ANDUNG NI PARJUJI TALU

Monang Naipospos

Upohupok ni tolong, tu tungko-tungko ni tandiang,
Nahansit do hape, na talu sian parjujian.
Targade do bajubaju, dohot ulos sibunian.

Ianggo poda ni damang, dohot siajaron ni dainang,
Tiur ari lao tu juma, bot ari mulak sian balian.

Jumpang au ma dolok-dolok, hundul ma au maradian,
Disi pe asa huingot sipodaon ni dainang.

Tanduk ni lombu, tanduk ni lombu silepe,
Molo monang marjuji, sude mandok lae.
Tanduk ni lombu, tanduk ni lombu silepe,
Molo talu marjuji, sude mamursik be.

Dang tarpasura-surai, dang tarpasari-sari.
Ai sipata do monang tolupulu rupia binahen ni uang satali.

Mangkuling ma pior-pior, diatas ni padang malau,
Hutaon do pangkuling, nasa udan na madabu.
Nungnga suda arta sian balian, dohot sian tonga ni jabu,
Hupatundal-hupadompak pe tu inaon, huagam bereng au.

Tudosan
Taos rampe ni hajut, ditunjang ampapaluan, mate parjuji talu ndang adong ni andungan, andungan i annon sotung ro utang taguhan, so andungan i anon dang diboto dongan salumban.

Apul-apul
Pinultakkon gambiri, panombur ni pora-pora,
Nirampingkon andaliman sian tano Dairi, marbalokkon tano Angkola.
Ianggo hata ni Raja, pandampol doi tu tanggurung, pangalut tu andora,
Tar songon tungkot di pardalan do i, sipaulak hosa loja

Iklan

2 thoughts on “ANDUNG NI PARJUJI TALU

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s