GOTONG ROYONG BATAK TOBA

Raja Bilher Marpaung

1. MANUMPAK
2. MARSIADOP ARI
3. MANALUP/MANOSOI /MARSIURUP-URUPAN
4. MANGARUMPA

MANUMPAK
Marsiulaon dongan tubu pature bagasna, ro do dongan tubu manumpahi gogo, boru mamboan angka sipanganon/dohot do angka hula-hula. Jala molo adong hauna, molo dipangido na pajongjong bagas i, dalehon do rumang tu haporluan na.
Molo masa ni ulaon, ditumpahi angka natorop do raja diulaonna i, manggotil, mambuat eme/panen, alai tu angka raja na hot di ruhut do i, ima raja jungjungan, ai maila do halak batak molo hatinggalan ulaon ni raja.
Suang songon i do nang tingki adong ina tubuan posoposo dohot angka na marsitaonon uju di gogotan ulaonna, tarsongon marsuan manang manggotil (panen). Ditumpak natorop do gogona tu ulaonna i nang so apala dipangido. Ai adong do pangkirimon di nasida be molo tung masa tu nasida na ingkon manjalo tumpak gogo sian donganna.

MARSIADOP ARI
Di sada huta adong ama dohot doli-doli, marsidop ari do nasida di masa ni ulaon manggotil dohot mangombak.
Molo adong ari-ari ni sahalak tu donganna 2 ari gararon ni na manjalo tong 2 ari alai dung sidung angka ari-ari tu ari-ari masigararan, adong hauma ni donganna hatinggalan, ditumpakhon natorop i do gogona sadari be alai numpahinama goar ni i laos songon i do angka ina dohot namarbaju di angka ulaon di suanon dohot di baboan.

MARSIURUP-URUPAN :
Molo hata marsiurup-urupan adong do i sian angka na hinataan di ginjang on
Lapatan, adong saripe (sakeluarga) 4 anakna 3 boruna naung tang mangula siulaon.
Adong saripena i holan 2 do anakna 1 boruna.
Magula ma masida di angka naringkot, dos do roha ni nasida. Rap mangula do nasida ndang ala tolu anakhon ni si B gabe tolu anakhon di Si A. Dos do roha ni nasida, ai naroa do di halak Batak Toba najolo i “naganjang suhat-suhat ni najempek” ai haurahon bolon do i di nasida. Najempek do suhatsuhat ni naganjang

MANGARUMPA
Molo pajongjong jabu sada ripe di angka parngoluan ni angka ompu na parjolo i ndang songon sinuaeng on rade angka bahan-bahan na porlu. Sude do angka sisolhot ro mangurupi sian gogo dohot ula-ula. Holan mangan do sipata nasida dilehon. Angka gogo na nilehonna pajongjong jabu i ma na nidokna mangarumpa.

Iklan

One thought on “GOTONG ROYONG BATAK TOBA

  1. simon sinaga berkata:

    marsiruppa juga untuk pekerjaan lainnya. Sekarang masyarakat batakk sudah mulai kehil;angan jati diri kegotongroyongan.. Aek godang tu aek laut dos ni roha do sibahen nasaut

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s