SAHALA RAJA BATAK

Monang Naipospos

Dihilala roha do adong pangkirimon ni angka natorop asa lam tu dengganna saluhut rumang ni pargoluon, alai dang diboto didia do pusok ni hahurangan umbaen sai parungkilan na masa di pandaraman ngolu on.
Dihapian roha do angka bangso na asing naung denggan duma saluhut angka jolma pangisi ni bangso i, alai ianggo bangsonta gumodang dope napogos.
Godang do tiha-tiha tu bangsonta bangso parhilang (korupsi) ima hinorhon ni naung hasomalan mangallang sian toru ni rere, indahan ni begu dohot indahan ni pinarorotnana ima apala subang ni natardok Raja di habatahon.

Hombar tu hasintongan, ingkon ra do roha ni natorop maniroi, manungguli angka na manirpang pangalaho ni na mandok goarna pamarenta dohot angka namartalian tusi, asa unang lam tu singkorna ngolunta jala lekse pembangunan.
Angkup tusi ingkon adong do sada ni roha di angka halak na sada pingkiran dohot pangantusion hombar tu panatapon di angka na humurang, jala ra patuduhon hahurangan i dohot dalan dia laho paturehon.

Panehe-nehe, i do pangalaho subang ni loloan sisongon on, ai dilambung tama do ibana songon dongan, alai diloloan ni angka parhilang tung gomos do ibana manungkoli ala mangema ibana sian i.
Godang do halak, sipata songon na dipagogo soarana maminsang na humurang, alai dung dileon diibana saotik sian parhilangon i manigor jojop ma simangkudapna. Ima nanidokna paula papan ditunjang alai aek ni hurhur do niidana.
Di telavisi, jotjot do binege parhata uhum sian halak Batak, namalo manurasihon pangalaho na manirpang tu uhum umbahen sai manginsombut parhilangon di bangsonta. Di tano Batak, hira hurang do idaon halak Batak namalo i manurasihon pameduon ni angka pargomgon sian parbalohan ni uhum i. Sian i tarida naung jojor songon nasinuan, ris songon nasinabur bangko i, hahermungon i pe nunga tarida panghorhonna di Tano Batak.

Hata ni ompunta najolo mandok; litok aek di toruan, tingkiron tu julu. Molo hurang toho pangulaon ni parhobas, pargomgom do na tartiha. Dang dung hea binege hata ni pargomgom tu natorop mandok, lias ibana sian hasalaan, laos manulingkiti bogas ni angka parhobasna huhut manguhum. Sian i dapot antusan jala dadap-dadap diroha, betak tung panolopi do nasida di angka pangalaho parhilangon i?.
Di Tobasa, hehe do roha ni sabagian natorop laho manulingkiti angka bangko parhilangon niulahon ni pargomgom, laos mangaluhon tu raja panimbang uhum ni bangso. Holsoan do natorop marnida namasa i jala manghirim asa adong harentaon di luatna i, ima Tobasa.

Hombar tu pangidoan ni ompu parjolo i, sai sorang ma Raja sitiop tampuk ni hatian sisada ihot, sijujung ni ninggor sitingkos ni ari. Ditatap ma natorop naung marsak jala mandele marnida panghorhon ni pangalaho i. Dihophop ma natorop napogos i, manumpak ma sahala Raja, didongani ma angka partogi sipanangkok namale sipatuat nabosur, unang adong na haliapan sian bangsona. Raja dijolo sitastas dalan, Raja dipudi sipatiur narundut, Raja ditonga sirungguan, jala sitangihon soara ni natorop. Horas Bangso Batak.

Iklan

5 thoughts on “SAHALA RAJA BATAK

  1. Uli ma tahe molo boi songon nanidok munai amang “Raja dijolo sitastas dalan, Raja dipudi sipatiur narundut, Raja ditonga sirungguan, jala sitangihon soara ni natorop”
    Alai molo nibereng anggka namasa saonari di toba nungga tung maol on terjadi, gabe holan sakkap niroha ta namai, dipudi ni arion gabe godang halak naso marpingkir sisongoni ala dihilala rohana nungga dipasuda sinadonganna laho mandapot harajaaonna, boi nasida gabe pamarenta, gabe dang disadari nasida be holan pangalaho naso ture nabinahenna, gabe mambahen susa tu natorop.
    Sai anggiat ma adong ro muse angka naposo ni halak hita naburju laho pamajuhon tano batak i , horas.

  2. lina berkata:

    Batak tetap majulah jangan jadi orang kuruptor dan tetaplah teguh memegang norma dan kasih seperti yang ada didalam firma.

    unang alani godang ni hepeng gabe bais dang sumana marpangalaho

    horas ma di hita pomparinni si raja Batak

  3. Ir. Kennedy sitanggang berkata:

    Yth, Pomparan Raja Batak pengikut Yesus Kkristus,

    Janganlah kembali kita kepada ajaran nenek moyang kita zaman dulu, karena kita sudah dtebus dari dosa2 nenek moyang dengan darah Yesus tertumpah di kayu salib.

    Kita harus memilih ajaran nenek moyang atau ajaran Yesus.
    Ajaran nenek moyang adalah ajaran duniawi (kegelapan) sedangkan ajaran Yesus adalah ajaran Sorgawi (terang).
    Jadi gelap tidak bisa bersatu dengan Terang.

    Sekarang sudah masa akhir Zaman,

    Kolose 2:8-9
    Hati-hatilah, supaya jangan ada yang menawan kamu dengan filsafatnya yang kosong dan palsu menurut ajaran turun-temurun dan roh-roh dunia, tetapi tidak menurut Kristus.

    1 Petrus 1:18-19
    Sebab kamu tahu, bahwa kamu telah ditebus dari cara hidupmu yang sia-sia yang kamu warisi dari nenek moyangmu itu bukan dengan barang yang fana, bukan pula dengan perak atau emas, melainkan dengan darah yang mahal, yaitu darah Kristus yang sama seperti darah anak domba yang tak bernoda dan tak bercacat .

    Horas, Tuhan Yesus Memberkati

  4. Gultom JR berkata:

    Tutu mai amang, anggo filsafat ni ompunta najolo uli do. Hape angka nadenggan nga godang dilupahon sundut naumposo. Sai anggiatma lam denggan sundut naumposo tu joloan on. Horas bangso batak…

  5. sahala napitupulu berkata:

    Wai saudaraku … marilah kita jadikan tanah batak sebagai tanah kanaan, yang merupakan tanah perjanjian tuhan kepada kita orang batak. kita bangun bersama-sama sehingga nantinya menjadi tanah yang sungguh imdah dan mulia dengan tekad bekerja keras dan tidak melupakan dalihan natolu sehingga dapat terwadahi menjadi tanah batak naummuli dari luat na asing naadong di portibion, tapasada rohata laho mambangun tanah ni ompungta na parjolo. mauliate ma dihamu sude dahahang, nang namboru .

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s