MULA NI GORGA BATAK

MANOGARI TAMBUNAN

Dung mardongan saripe Datu Gombut nabolon dohot Siboru Jongjong Anian Siboru Tibal Tudoson, tubu ma buhabajuna, PUSTAHA (Parbinotoan Hadatuon Partungkangon) Anggir, Lada, dohot Napuran. Di urang paduahon, tubu ma muse parhobas tonun dohot Parbinotoan ragi (Sirat, Uhir) dohot rupa ni bonang dohot ulos.
Patolu halihon, ditubuhon ma dakdanak na marporhas sada anak, sada boru, ima: Si Aji Donda Hatahutan dohot Siboru Sopak Nauasan manang: Siboru Sopak Panaluan. Dung magodang dak-danak nadua i, di pasahat Datu Gombut ma tuanakna i boha isara martungkang na taho jala jago, salpu i pe asa dipasahat pustaha, (urang na parjolo) na so tolap binungkana i. Ai ingkon si Aji Donda Hatahutan do naboi mangungkap pustaha i.

Mulai sian ombas i ma gabe halak namalo martungkang, anakna on ala adong di ibana sahala pande, songon i nang Siboru Sopak Panaluan na manean hamaloon martonun, partonun nautusan na mangantusi ragi ni ulos rodi rumangna. Nasahali, uju martonun siboru, na so panagamanna marsirahutan jala marsiranggingan ma angka bonang na marbolongan na tarbuang i, gabe martompa gurit lontik na tudos tu lopian parjolo di pustaha tinean ni ibotona i. Impol ma roha dohot mata ni si baoa on tusi, laos hatop ma i di uhirhon dohot piso na tajom tu dorpi jolo bagasnasida. Ujungna gok gorga ma dinding ni jabunasida i. Sogo do antong roha ni siboru, digasgas ni ibotona pande ruma i. Lobi muse dope jut ni roha ni nagodangna, Datu Gombut. Di rohana nungnga na hasoropan anakna i mangulahon gas-gas ni tanganna i. Martahi ma nasida, mangusir tondi na hodar sian anak na i. Dung di pahembang lage-lage, tiar diparade ma saoan pangurasan (marisi aek, dohot untemungkur) daupa (haminjon natinutung dohot gara ni api) ipe asa disuru si Aji Donda Hatahutan, hundul di lage-lage tiar i. Martonggo ma Datu Gombut tu Mulajadi Nabolon asa di usir tondi nahodar sian si Aji Donda Hatahutan, hape tompu mahasoropan anak na i. Disuru hasandaran i ma amana, papunguhon nasa ula-ula dohot parhau laho pajongjongkon sada ruma bolon.

Diuhir ibana ma denggan, ipe asa dipajonjong ruma gorga dohot sahala pande ruma nabinotona. Tarida ma disi ragam ni gorga pea, silunduni pahu, ipon-ipon, hoda-hoda, adop-adop, desa naualu, bindu natonga. Dipudian ni ari tamba muse dohot singa-singa, boras pati, jaga dompak, jorngom-jorngom, jenggar, parhis marodor.

(Penulis tinggal di Tambunan Balige)

20 pemikiran pada “MULA NI GORGA BATAK

  1. Nungnga lam tamba parbinotoan di habatahon, lumobima taringot gorga. Alai adong saotik sukkun-sukkunhu tu amang namanggurathon sarito ni gorga on manang tu amang Naipospos. Najolo, tikki dakdanak au, jot-jot do dibuan natua-tuai tu huta (Sabulan, ima ingananni Raja Lontung dohot Boru Pareme marpinompar). Huingot, didok sada natua-tua panggorga tu au (nungnga monding be ibana), ndang sarupa ninna gorgani sada ruma dohot ruma naasing, nangpe mulana dang disangaja. Sai mangihuthon “tondi” dohot bakko ni sasahalak do ninna rumang ni gorgani jabuna. Boha toho doi amang Tambunan nang amang Naipospos? Lehon hamu amang saotik hatorangan ate. Mauliate godangma hupasahat tu parbinotoan napinasahat muna. Horas.

  2. Le Suhunan
    Toho do ninna dang sarupa rupa ni gorga di ganup manumpan jabu. gorak ni panggorga i martomu do tu bangko ni nampuna jabu. Taringot tuson nunga adong ditaringoti amanta panggorga Ama Morlan di suratna Ruma Gorga Batak

  3. saya masih penasaran dengan asal mula danau toba?saya juga masih pengen tahu lebih banyak lagi tentang tempat-tempat asal mula orang batak pertama tinggal.

    saya pengen tau macam-macam ulos, serta artinya.boleh khan?

  4. Terima kasih banyak saya ucapkan kepada semua yang berperan didalam mengembangkan atau yang membuat wesite budaya batak,, doa restu saya haturkan semoga semakin maju dan jaya bangso batak
    Mauliate
    “tolong dong dibuat penjelasan dan makna dari gorga batak”

    *** Mauliate lae, akan kita usahakan.

  5. MAULIATE GODANG MA DI HAMU NA PAULIHON ADAT NI BATAK. SAI DAPOTAN NADENGGAN MA HAMU SIAN ANGKA SAHALA NI OMPU TA SIJOLO-JOLO TUBU. JALA SAI TARBUKKA MA TORUS PIKKIRAN TA PAULIHON ADAT NI BATAK DOHOT PABALGAHON BANGSO BATAK. MAULIATE…….. HORAS……..

  6. horas
    sattabi ma tu hita saluhutna, au mahasiswa di bandung sian tarutung namambuat jurusan desain visual…
    boe do manungkun didia do boe dapotton akka gmbr2 ni etnik batak… alana au eneng patuduhon tu dunia on karya seni batak na huhaholongi sian mulai gelleng..
    mauliate ma

  7. Napit, mandok uda ma ho tu ahu, ai rap Napitupulu do hita, Tinggal di Melbourne, Australia do hami. taringot tu sungkun2 muna i, molo di Australia ( di kota Canberra, ibukota nasida) adong do perpustakaan nasional jala di perpustakaan i boi do lului hamu koleksi buku2 sedunia termasuk sian hita Batak Toba jala boi do pinjamonhu sian i. sebagai contoh, adong do bukunta disi na margoar Pustaka tumba holing napiinature ni raja Patik, Tampubolon; Hata Batak Maminggoring bagian rangsa ni andung dohot hadatuhon pinature ni JM Hariara; Torsa2 ni Halak batak pinature ni Lukas Hutapea; Turiaturian sian Batak toba pinature ni AN Parda sibarani; Kamus budaya batak Pinature ni MA Marbun & IMT Hutapea; Turiturian ni Raja Gorga dilangit, Mangaraja ginung Sorik Marapi dohot akka buku na asing, sian i do bahen na huboto angka umpasa ni halak hita Batak, dohot surat Batak .

    Molo di Indonesia, khusus di medan boi do lului hamu di Musium budaya disi. Molo di si ndang holan bukku dapotan muna, boi do dapotan angka karya seni dohot angka peninggalan na jolo.. Ndang huboto molo di Jakarta, alai boi do cobaonmu laho tu Arsip Nasional disi.

  8. Mauliate godang dihamu panurat, nunga lam tamba akka parbinotoan di hami akka naposo, apalagi songon iba na tubu di tano parserahan, molo boi amang baen hamu majolo songon tertib acara ni sada ulaon. Mis, pangolihon anak, akka aha ma dihatahon disi. Jala sian dia do mulani acara i. Mauliate godang amang.

  9. HORAS,,,,,jala mauliate gogang buat tulang M Tambunan, saya bangga dan terharu alana ondope hea hubereng putra tbn asli sian bona pasongit,bergabung tu forum batak.com, bahkan narasumber lg di web ini. tulang ahu lahir jala magodang di tbn,,sdh 20 thn di perantauan,,semua propinsi di indo udah sy kunjungi,dan sdh 8 thn tinggal menetap di luar negeri. tp min 1 kl mulak tu tambunan tiap thn bersama istri n anak.bahkan selama 20 thn merantau cuma 1 kl aja merayakan thn br di perantaun. Jd sy tau percis gaya hidup dan apa kebiasaan orang setiap hr di sn.

    Alani tulang,,,tingkatkan pemikiran2 maju, dan tolong tlg bs jd moderator utk membawa yg lain putra2 Tbn utk lbh mengerti perkembangan zaman, n meninggalkan kebiasaan yg merusak generasi.

    Maaf ya tulang…klu ada perkataanku meninggung, sy mengungkapkan ini, alani holokkudo tu sude putra tbn,dan saking cintanya ke kampung halamanku tambunan.

  10. muliate godang diakka suratan muna on ba.
    mantap hujaha.
    molo boi nian lam tugodang na nian diaka panurat dihita halak batak tarlumobi diangka namanurathon akka na adong jala naso hea tarbarita.
    Horas….!!!

  11. horas ma hita sudena……………………………………
    au, bima jhon roy pangaribuan……………….. sarupa do tong dohot angka dongan. ima na naeng mangalului angka gorga batak, jala naeng hukembangkon joon na gabe sasada modal lao mambaen motif gorga on tu sada2 bentuk.. manang jenis mebl….. ajari hamu jo au ……………………..jala gorga on lomo hian rohakku mamereng on… bvotima
    au kuliah di unimed. jur. seni rupa…………… horas……………….

  12. HORAS…………….
    mauliate di panurat alana boi manambai parbinotoan taringot tu ha batak on ta,
    ale dumenggan nian molo dilengkapi sian “asal-usul, arti manang makna, DOHOT pe sejarah” ni sada-sada unsur sian na di publikasi hon di web muna on.
    HORASSSSS
    HORAS……..
    HORAS……………….

  13. Horas ma dihamu, Tu akka Tulang, bapa tua, bapa uda, dohot tu sude akka na huparhasangapi, di bagas Blog on. ai mansai las do rohakku mangida surat nabbinahen muna on, ai mansai las do rohakku gabe halak batak. ala ni i, naeng ma muse hu patandahon habatakko ta on tu luat na dao( Luar Negeri). jadi namangido ma au, asa boi diurupi Hamu akka natua-tua nami, manceritahon manang aha petaho, nabersangkutan mengenai suku batak. mauliate godang ma hu pasahat. HORAS

  14. horas..molo boi bahen amang penulis ma nian songon sude turi2an ni bangso batak,adat dalihan natolu,dht akka umpasa.mlte

  15. NDH :

    RE: Amang Ruddin Parapat
    cq MENGGALI KULTUR BATAK YG HILANG:

    (1). Las roha pasuo dohot hamu Amang Ruddin Parapat, molo ndang sala ahu, nasalpu i berkomunikasi do hita ljotjot, via e-mail. Hamu do i ? Ahu NDH di Hamburg. Lupa ahu didia hamu ? Di Tano Arab do ?

    (2). Olo tutu, Godang do Budaya Batak nahinan porlu okkaklon ni GP Generasimuda Batak muse, jala mengjklarifikasi di Historiografafika hape nunga tibbo budaya i diparadathon, porlu unsur kesejatianna botoon.

    (3). Sangsi do hita, di Era Kolonialisme Abad 16/20 gabe bahat tartanom godang budaya Batak i, ala di produsir ditigatigahon duikonsumsi mansai mambanjir mangogai (aroghansi) do binahen ni Penjajah i, manguras budaya 3 H Batak : hamoraon hagabeon hasangapon, jala risersi sejati dohot imitasina.

    (3). Alai Budaya DNT Dalihan Na Tolu, mansai lehet do Aslina cerahonta !!! Di bagasan ADAT AO Alfaomega pamrih pasdarah Am,anah Mulajadinabolon = Deba Jahowa (God, Tuhan Allah = Jahwe, Elohim, Odin, Sang Hyang Widi Wase, dsb).

    Mauliate, Hoeras !
    NDH Turut Pencerah GP Generasi Penerus, Voluntir.
    HH 6.6.2015

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s