SOPO DOHOT ULOS

Sian siguriton ni Amanta Raja J.P Ompu Sumatti Sinambela nahinan pinasahatna tu Monang Naipospos 8 Nov 1985

Tarisopo inganan partonunan dohot partariasan ni naposobulung.
Sopobolon dos ne do balga ro dilambasna dohot rumabolon. Dipangke ma pantarginjangna i isian ni angka ompon namarisi eme ni raja na di huta i. Sipata dipangke do i isian ni eme ugasan torop ni bius. Pantar tardasna dibaen ma i inganan ni angka tutur manang tamue na ro marebat jala marborngin.
Godang do sopobolon didingding dimpos humaliang jala dibahen marpintu inganan ni angka anak manjae painte paulihon jabuna be. Olo do sahat tu naopat ripe mangingani sopobolon i songon parbagi ni inganan di rumabolon.

Sopobolon Sopo Siamporik Tarisopo

Tarisopo ummetmet jala sumompit do i sian sopobolon. Dipangke ma pan targinjangna i isian ni eme ni angka parripe namian di bius i. Marsagi ma nasida masibaen ompon isian ni eme nasida be.
Pantar tardasna i ma dipangke inganan partonunan, mangganti, mangani, manghulhul songon i nang inganan pambauan. Tu inganan i do ro angka doli-doli di namartandang siarian. Podoman ni angka naposo doli-doli ni huta i ma i ditingki borngin.
Barana ma dipangke isian ni angka hudon panggaruan, pansopan, panggongonan, panubaran dohot angka naasing dope naporlu hi parbonangan.

Dung sae tingki ni partonun siarian, nasa tonun ro di ula-ula tonun na di tardas i simpan ma i dipauli tu pantar ginjang ni tarisopo i asa jala unang adong disi narundut idaon.

Marguna do surathonon nagabe parningotan tu pagian ni ari goar-goar ni angka ula-ula tonun, i ma: angka, hudon isian ni aek rabu, panggaruan, pansopan, panubaran, pangitoman, panggongonan, parsigiraan dohot lan na asing
Sorha, Pamipis, pamusur, pangganti, pangiran, panghulhulan, anian, anak-anak ni anian, pangunggasan, giling-giling ni pangunggasan, buluhat, unggas, pangholtingan dlna.
Pamapan, pagabe, pamanggung, sitadoan, hatulungan, pargiunan, baliga, lilis, hapulotan, hasoli, turak, sosa, tali sabang, tali papaut, sokkar, sianak-anak, balobas, lili panupe, parrambuan, singkop dlna.

Goargoar ni ulos tonunan namarragam i sipaheon tu tohonanna be, olat ni boaboa nabinege songonon ma,

Pahean ni angka ama/natunggane.

Tal italina :
tumtuman, mangiring, padang rusa manang mangiring nabara.

Sampe-sampena :
ragidup, jugia nasopipot, ragidup silinggom, sibolang si bol ang pamontari, si to) untuho, suri-suri nagan-jang, manang ulos godang.

Ambit-ambitna :
pinunsaan, simarinjam sisi, ragidup silinggom, sibolang pamontari, jobit, bolean nagodang.

Pahean ni angka ina paniaran (marsitabolan, marsanggul bane).

sampe-sampena :
pinunsnan, sirara, sambot, bolean, manqiring, antak-antak, harungguan, bintang maratur, ragihotang, surisuri manang sadum.

ambit-ambitna :
sirnarinjam sisi, ragidup, sibolang, ragidup si 1 inggom, sibolang pamontari, jobit, bolean nagodang.

Pahean ni doli-doli sampe bunga.

sampe-sampena :
suri-suri, sitoluntuho, manang ragihotang.

tali-talina :
mangiring, padang rusa, mangiring sirara.

ambit ambitna :
ragiragi, runjat, sibolang, jobit, bolean.

Pahean ni anakboru naposobungung (marsitabolan, marsanggul bane)

sampe-sampena :
suri-suri, ragihotang, bintang maratur, mangiring, sadum manang ragihuting.

ambit-ambitna :
runjat, ragi pangko, bolean manang sibolang.

Sian goar-goaran ni ula-ula, parbonangan, partonunan dohot goar-goaran ni ulos namarragam i, nania do dienet angka natua-tua naparjolo i bahen daganan/ondolan ni umpama, umpasa dohot silupsilupan, i ma songon nasinurat deba ditoru on.

Umpama.
– Ndang sampit t itomna, tu bonangna.
– Marrongkap songon tuak, marsibar songon ulos tonunan.
– Ompu-ompu ni hunik, tomburon tu pansopan ; Ompu ni sinalungun, na soada tudosan.
– Disop sop asa haru birong, ditubar asa haru bara
– Songon panghilalaan nabinusur.
– Rintar songon bonang niunggas, tiar songon bonang di gala.
– Najagar tindang songon pangunggasan,
– Napinasuman hundul songon panghulhulan.
– So tarpasobok songon anak ni anian.
– Na so olo ngalian nang so pola niulosan ; Na soada anian jala ba soada tudosan.
– So tarbahen be turak ala nunga sanga pinonggolan ; So tarbahen be mulak ala nunga marhata parhurajaan.
– Songon tinoktok ni porda, nilonggi ni lili.
– dohot angka udutna.

Umpasa/silupsilupan.
– Dua panggaruan patoluhon panggongonan, Ndada rimangan hata ni panguraura ditol onan.
– Pitu panggaruan paualu panggongonan. Ia langka ni anakboru naung oroan, tu jabu i so tarsise, tu balian so hajonohan. Jonohan i annon, simarhilap halonglongan.
– Ompu-ompu ni hunik enggeon tu pansopan, Dokdok ni sitaonon na soada martudosan.
– Ulos suri-suri, rio-rio ma ditonga-tonga, Ale parlagu nauli, maol longkang sian roha.
– Balintang ma pagabe, tumundalhon sitadoan; Sahat do hita gabe molo marsahata saoloan.
– Dihehe ma hatulungan, disurukhon ma baliga; Tanda ni namalungun, peut so peut sian roha.
– Tambai giunmi, sigati ma parrambuan, Pasombu siholmi, tatap sirumondang bulan.
– Diiran bonang mambahen tu humpalan, Sahumpalan disagihon tu sampulu labean. Unang mangura-ura ditolonan, pajoji parbadaan, Naolo talu i do jumadi monang diparolop-olopan.
– Sampe-sampe ma diginjang, diabithon simarinjamsisi; Unang pinaganjang sihataon asa mura nasega i pinauli.
– Nililit pe pagabe dongan ni pamapan. Manat do manise unang gabe hasurahan.
– Tinoktok ni pordangku, nilonggi ni lilingku; I do tinodo ni rohangku, sinolom ni panailinghu.
– Bulung ni si gira-gira, dilompa mardeba-deba; Tangkas ma I pininta, asa jampi ulibasa.
– dohot udutna.

Raja J.P Sinambela adalah cucu Raja Sisingamangaraja XI


Bookmark and Share

Tautan :

Ulos Ragi Napitu
Ulos Produk Eksotik
Proses Pembuatan Ulos
Ulos Mesa
Perajin Ulos
Baliga Ditangan Pria
Ulos batau Untuk Sultan Jogya
Songket Batak Tandingi Songket Palembang
Tenun Ulos ATBM
Mengenal Ulos Batak

Makna ragam Hias Ruma batak
Akhirnya Runtuh
FILOSOFI RUMA ADAT BATAK
PAJONGJONG RUMA DOHOT SOPO
MAMUNGKA HUTA DOHOT JABU
SANGKAMADEHA
MENYIBAK TABIR MENAMPAK ISI
hasil penelitian Sandrine Germain tentang Rumah Batak Toba

Iklan

7 thoughts on “SOPO DOHOT ULOS

  1. TU LOLOAN NATOROP, MAULIATE MA DI SUDE ANGKA HATORANGAN MUNA I, SAI ANGGIAT MARGUNA ANGKA DIPARDALANAN NI NGOLUNTA NA MANDALANI PARADATAN ADAT BATAK I

    HORAS JALA GABE

    Umpasa/silupsilupan.
    – Dua panggaruan patoluhon panggongonan, Ndada rimangan hata ni panguraura ditolonan.

  2. Sahat Ngln berkata:

    Horas lae monang,
    taringot akka ulos, pahean/abit on pe hurang do huantusi. atik adong gombar manang na buku na mambahas ragam ni ulos on ate. Manang na ni paitte jo buku ni lae Merdi kaluar bah 😀

    *** Sangkap ni si Merdi mambahen buku do, tapaima ma ate? Boha nama on Merdi 😀

  3. merdi sihombing berkata:

    horas tu hamu sasude…
    doakan saja ya…agar semua rencananya sesuai dgn rencana.support saya harapkan dari semua pihak

  4. Sahat, Ngln berkata:

    Lae Merdi,
    Tetap semangat laeku…Ribakkk sude!!.
    Tapi jangan ulos itu kau ribak lae…hehehehe.
    Salut!

  5. merry anastacia sinambela berkata:

    MINTA IZIN SAYA POSTKAN KE FB SAYA YA…AKAN SY KASHIH TAU SUMBERNYA DR SINI…MAULIATE

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s