Warnet Bang Napit, Santabi …

Monang Naipospos

Molo tu hamajuon na masa sinuaeng on dang talu halak batak. Di Jakarta nang di Medan songon i nang na di Toba. Taringot tu angka panariparan ni angka barita, songon internet rupani, na di Toba pe dang olo be hatinggalan.

Nunga adong opat lapo internet di Balige, sada di Laguboti. Alai ianggo na bolas pataripar barita sian Yahoo, blog, dohot friendster holan sada do na boi tulus, ima na adong di kantor pos Balige.
Hinilala do tong na sai jotjot mulak sian lapo internet ni kantor pos i molo dung godang angka naposo jala dang diingot mangulon, ujungna ponasohot ma sangkap.

Songon i do nang pangkilalaan ni amanta Bonar Siahaan dohot amanta Imran Napitupulu. Ujungna dibahen Amanta Imran ma speedy di bagasna.

Tamba ma muse sada nari lapo internet di Balige, na boi tulus pataripar barita na so pola songon angka lapo na asing. Dibahen ma goarna “Warnet Bang Napit”.

Sada tingki, mangulon ma sada siruminsir nauli di jolo ni lapo i, masuk tubagasan. Diranapi ma humaliang, songon na adong nidioranna. Ujunga disungkun ma, ise nampuna lapo on?
Martudu ma sada ama najogi huhut dipajonok tu ama na ro i huhut didok; “Ahu do amang, adong na ringkot sitalupan?”
“Bah horas bang Napit, ia ahu marga Napitupulu do sian Porsea sian horong ni Raja Sipangko”, ninna amanta i huhut dipatangkas. “Sian dia do tahe Bang Napit?”

Manigor marsinggang ma amanta Imran Napitupulu nampunasa lapo internet na margoar Bang Napit i huhut didok tu amanta na ro i. “Santabi abang, hamu do angbanghu, sian Mulia Raja do au, nion do anggim, boru ni raja i Siahaan”.
Songon na lumambok ma bohi ni Napitupulu na ro sian Porsea i dung dibereng parengkel ni inanta boru Siahaan naburju i.

“Bah …. aha do tahim puang… gabe sude ma Napitupulu marabang tu ho ala dibahen ho goar ni warungmon Bang Napit. Dohot ma annon hulahulanta Siahaan mandok Bang Napit tu ho?”

“Maaf ma abang …… maaf …. dang adong tahingku songon i. Sude i holan ala ni kedanta do ima si Ivan Napitupulu

Iklan

25 thoughts on “Warnet Bang Napit, Santabi …

  1. Mauliate ma tu Lae Naipospos (tanobatak.wordpress). Alana, tudos na mambahen iklan ni lapo internet on nama huhilala. Horas…

    *** Ia tu lae Ivan dang didok hamu mauliate, ai ibana do mambahen goar ni perusahaanmuna on. Molo tu biro iklan daba lae ingkon bayaron do i ๐Ÿ˜€

  2. Tu amang Ivan Napitupulu, tong ma mandok ‘Mauliate’. Sipata, nang marga Marpaung dohot Simangunsong namanungkun, tong ma bang Napit dijou. Holan alani amang si Ivan ma i tahe.

  3. hh berkata:

    Tulang Bang Napit,
    Boi do marutang di warung internet muna i tulang? Hugarar pe masa onan. Heheheheeheh.

    Molo siruminsir mandok motor, ahama dohonon molo mandok Internet, boi do dohonon, sirundior? Ai boi mandiori tung manang aha pe taho.

    Horas Tobasa.

  4. Hira na bingung do ahu mangalusi, amangboru. Didok hamu tulang. alai ‘bang’ ninna muse….. ๐Ÿ˜‰
    Naeng dohonon songonon na somal. ‘besok boleh bon’. Alai, molo tu amangboru dang pola masa onan. bayar dung gotilon pe boi do. ๐Ÿ˜€
    Tumagon ma ra, internet digoari ‘simandior’. Hira suman do i ?

  5. Horas Tulang Bang Napit.
    Las do roha umbege angka barita nauli sisiongon on.
    Asa boi hatop mandiori angka na ringkot sian huta jala patariparhon angka namasa disi. Selamat ma ate Tulang Bang Napit ๐Ÿ™‚

  6. hh berkata:

    Ingkon songon i do tutu tulang, ‘besok boleh bon.’ Annon gabe sude halak mandok, ‘unang holan sahalak amangboru muna da, amang parlapo. Heheheh, gabe repot.
    Molo adong sangkap muna mambahen logo ni laponta i marhite sayembara, paboa hamu tulang, asa parsidohot iba.
    Mauliate

  7. pakkatnauli berkata:

    Asal ma nian adong Huruf ‘T’ na i di pudi ateh,….sotung unang adong ma-mutikkon-….

  8. Bah….bah…baaaaaa nga gabe rame.
    Alai didok Op Tumitang bahenonnama internetna Warnet ompu nami asa sude mandok ompu nami bah….gabe sudema annon marompu tu ibana. ๐Ÿ˜€

  9. Sahat Ngln berkata:

    Hahahahah…mantappp…parjolo nai dang sakkot dope cerita on, jai parpudi nai ma baru pe hona(huattusi)..hueheuheuhe.

  10. amangboru Charly Sianipar,
    Lae, Horas
    amangboru Humbang Hasundutan
    Lae Bonar Siahaan
    (……. nga gabe sude manjou ‘bang napit’). Asalma nian unag gabe manalai tu angka partuturon, ate.
    pakkat nauli … Sahat Ngln (mauliate)
    horas………

  11. Rondang br Siallagan berkata:

    @Imran Napitupulu.

    Hallo..Ito Imran. Kemaren rumah baru sekarang warnet baru…Selamat ya ..Ito…Semoga maju usahanya dan semoga dengan adanya warnet ini…ketemu dengan Mathias Napitupulu…Hahhhhaha..
    Horas.

  12. alisyah,
    di Jalan Muliaraja No. 10 Balige. Dalan laho tu tano lapang. Nauli, molo ro hamu mardalan-dalan. Alai, sotung habis minyak muna i. Arga BBM. Tumagon ma huhilala, tar songon na mangulon hamu di lapo internet on. Laos bolas jahaon muna angka naginurathon ni Lae Monang dohot Lae Bonar Siahaan di tanobatak. Mauliate……

  13. Farida Simanjuntak berkata:

    Horas, ito…
    Bah, ro nama iba tu warnet i annon. Alana jabuku jonok do tu si.. Apala tetangga do pe hape hita ????
    (Au anak ni Tangkas Simanjuntak par BRI molo ditanda Ito..) Ajakhon hu nama siampudan nami si Asido, asa marsiajar jo ibana marinternet.. jadi mama ku pe dang pola loa be mangalului ibana kaliling Balige, alana holan na mago saonari on..hehehe…
    Selamat mambuka usaha baru ma ito, semoga lancar angka usaha i ate…

  14. Tidak heran. Sejak dulu Balige memang sudah jadi parameter kemajuan di Tanah Batak. Mudah-mudahan par Samosir dan Par Humbang tidak ketiggalan dengan Balige. Ini PR buat lae @ Humbang Hasundutan untuk memerdekakan Doloksanggul, Pollung, Parlilitan, Bakkara dan sekitarnya dari ketertinggalan informasi.

    Usaha seperti ini akan membantu bukan saja usaha peningkatan promosi Balige tetapi juga pemerataan dan demokratisasi informasi di tanah Batak khususnya Balige.

    Selamat dan semoga sukses untuk Bang Napit…

    Petrus Marulak Sitohang

  15. Anson Simanjuntak berkata:

    Selamat atas dibukanya WARNET BANG NAPIT.
    Ai molo bidang usaha dang adong tutur, alai molo maradat adong ma tutur.

    Sukses selalu.
    Anson Simanjuntak
    Pahoppu ni Parlongat, Balige.

  16. @Farida Simanjuntak,
    Mauliate, ma Ito.
    Ro ma hamu tu lapo ni internet on. Mardomu, hombar bagas do hita. Tetangga. Laos ditogihon ito ma angka dongan i. (alana, molo angka tetangga, adong do diskon. he…he…he…)

    @ Anson Simanjuntak
    Mauliate, amangboru
    Martutur do hita. Apala namborungku, dipahuta do tu marga Simanjuntak sian Tampahan.

    @ Sitohang par Bintan
    Mauliate amangboru.
    Adong saotik naeng sitangkasan. Hea, adong dongan marga Simanjuntak, tong sian Bintan nasida. Atik tung marsitandaan do hamu amangboru ?

  17. @alisyah
    dipaima hami do haroro muna. Alana, didok hamu naeng ro mardalan-dalan. Molo boi, laos togihon angka dongan i. (..hurang lobi, ..tar songon promosi do on he…he.. he…) Mauliate.
    Horas…..

  18. @Imran Napitupulu

    Godang marga Simanjuntak ale-ale di Bintan on lae. Adong do wartawan, adong do par karejo di hotel di Bintan Resort: Dewantoro Simanjuntak, Putra Simanjuntak nang Humusor Simanjuntak…

    Asing ni halak i pe adong do piga-piga nari na tinanda marga Simanjuntak. Ise ma goar ni deonagn ni lae i?

  19. Bah bah…holan alani tulangku si Ivan Napitupulu do hape asa gabe sursar partuturon hehehe…Gabe jounhu ma bang Napit tu tulangku Imran Napitupulu, bah ngeri kalinya ini fuang….

    Alai silangko nadenggan do on Bang…eh Tulang Napit. Gabe adong antong “bahan pembahasan”. Jala strategi marketing na jitu do on, gabe pintor hatop diboto dohot diingot angka jolma goarni lapo internet Bang Napit.

    Sai anggiat ma lam tumajuna usaha simandior on tulang.

    Horas.

    Raja Huta

  20. mr_gheets simanjuntak berkata:

    wahhh…..akka parbalige marpungu hape dison atehh…
    tarlambat kapalnami bahhh.
    salam kenalma tusude akka dongan, lae, natuatuanami, ito nang sude akka kluarga nasoboi targoari hami sada sada,
    namaku gheets simanjuntak asal dari belgia nuaeng domisili di balikpapan kaltim mail mr_gheets@simanjuntak.or.id
    cont persn 05426150408

    sai lam tumajunama situs ni bangnapit horas…….

  21. Ginomgom Simanjuntak berkata:

    Horas Lae Napit,

    Nunga tamba sada nai pengusaha di Toba…
    Songon i ma antong sai Las Roha ate….

    Alau unang maargahu maen hamu parjom ate,….asa tongtong membangun natorop ni Tobasa…..asa unang gabe bangkrut….

    Mauliate

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s