MOLO EDA MASUK TU DIA ……

Monang Naipospos

Tung nauli ma tahe adat batak i, ima hata ni nadeba. Adong tuhotuhona, botoon unur ni hinombar niba tu dongan, tarida angka na mardongan tubu, parhaha- anggion.

Tutur, ima dalan na boi umboto hajongjonganiba, mananda dia haha, anggi, iboto, amangtua, amanguda, namboru dohot hinombarna sahat tu ompu na marhaha maranggi. Tulang sahat ro di bona ni ari pe masuk do tu pandohan tutur. Ima na adong partalian ni mudar.

Sisolhot, ima tanda ni tutur na sumolhot tu hasuhuton manang diriniba. Tumangkas ma i di angka na mardongantubu.

Tondong, ima ima na pinajonok ni pardonganon, parsaripeon dohot parale-aleon. Molo mangoli anakniba tu marga na asing, simatuana dohot na solhot tusi gabe tondong ma. Ala ni pardonganon dohot paralealeon, olo do sipata dos pambahen niba songon na tu angka tutur dohot sisolhot, alai horong ni tondong do i, ai namanondong do ibana tu iba.

Tamue, didok ma i tu angka na ro tu bagasniba. Molo marulaon pe halak batak, angka tutur, sisolhot, tondong dohot na so tinanda pe gabe tamue nama i sude.

Dung mangoli si Horas tu boru batak, las ma rohana ala manigor boi do diradoti paradaton. Boi do dirajumi sude angak turuna, dohot sisolhotna sian marga Sitohang. Godang do manghatindangkon haburjuon ni Nai Bungaran niompot ni si Horas i, hinorhon ni haburjuonna dohot partamueonna. Sai didok do tu sinondukna i ; “Singkam da amang di toru ni batangi. Molo hurang malo ahu, nanget-nenget ajara-ajari”.

Tarbarita do Ama ni Bungaran jala jotjot do ro angka donganna tu bagasna, sude do i denggan ditamuei Nai Bungaran, dang adong ungut-ungut. Sai marhuhuasi do ibana tu angka tamuena i : “Ganjang baor ni sambil jempek sipinggilina. Sosadia pe natupa nueng, anggiat ma dipudi pamahonina”.

Marale-ale do si Horas dohot Bonar Lumbangaol. Sipata do ditolohon ro sian Bintan mandapothon ale-alena i tu Jakarta.
Agan pe boru Jawa diompot si Bonar, sarupa do radotna songon Nai Bungaran di paradaton dohot panandaionna di angka partuturon dohot sisolhot. Dang adong imbarna tu boru batak.
Ringgas do Nai Freddy parsondukbolon ni si Bonar i manungkuni angka partuturon dohot angka hadomuan ni marga na asing.

Sangkot poting di sige, nunga diboto Nai Freddy, uhumna do manise.
“Eda mak Bungaran, masuk tu dia do tahe Sitohang?” ninna nai Freddy ma manangkasi Nai Bungaran di sada tingki.
Mardongan hasabaron dibagasan haburjuon do antong Nai Bungaran patorangkon partuturon ni nasida Sipituama.

“Oohh …, antong tuturmuna do amanta Suhunan Situmorang!”, ninna nai Freddy songon na patangkashon naung diantusi pinatorang ni Nai Bungaran i.

Bangko ni namangkatai, masisungkunan, masialusan, marsoring-soring. Sangkot sapa diparpagaran. Denggan do masisungkunan, masiajar-ajaran. Ima tu roha ni Nai Bungaran.
Tingkina ma muse Nai Freddy mangalusi sungkun-sungkun ni Nai Bungaran.

“Molo Lumbangaol eda Nai Freddy masuk tu dia ma”.
“Dang Nai Freddy hami eda Bungaran, Naipospos do”.
Mengkel supping do Nai Bungaran umbege alus ni ale-alena i. Dang hinata tahe, na marsiajar dope, ninna rohana dibagasan. Jala muse dang somal Nai Freddy umbege panjouon Nai Freddy songon niantusan ni Nai Bungaran. Mak Freddy do hasomalan panjouon tu ibana.

Diulahi Nai Bungaran ma muse manangkasi sungkun-sungkunna i tu Nai Freddy.
“Molo Naipospos eda mak Freddy masuk tu dia ma?”
“Oh, molo Naipospos eda masuk tu Mak Freddy ma!”

(ide cerita, Ir Lammer Panjaitan)

Iklan

5 thoughts on “MOLO EDA MASUK TU DIA ……

  1. hendry lbn gaol berkata:

    Setauku, uda monang
    Naipospos itu Masuk tu AmaniPospos do, jala namarberemartulang ma nasida tu Oppupospos.,…
    asa hudok songoni, apala tulang ni parumaen ni amangboru ni inang bao ni opung martinodohon ni buha baju ni tnunggane ni bere siakkangan nami ma anggo naipospos,

    jadi muse uda, molo diboto uda do ima marga hutauruk par lagu boti i, ima apala amanuda ni namboru ni tulang namarhaha maranggi tu tulang rorobot ni abang paitolu na sian anak ni amnaguda ni oppung ni simatuakku na marpariban ma nasida….

    olo…..
    ikkon sukkunon ma jo na ro on, patorangkon partuturan i …. ๐Ÿ˜‰

  2. Sahat Ngln berkata:

    Horas lae,

    Hahahaha,, ai sai na adong do lawakni lae bah.
    Masuk tu mak Peretdi mai..sundut papigahon museng on.
    Mauliate.

    *** Tasungkun ma annon si Hendry, ai nunga berkicau ibana songon na hurang pakan. Tarlambat do huroa ibana mangallang ubatna ๐Ÿ˜€

  3. Nurmida berkata:

    @ Tulang Hendry L Gaol

    na manungkun majo au tulang . pardia do hamu tulang, tung ganjang kian ma partuturon i dipadomu-domu tulang? iba pe bingung manjaha. memang na adong do naeng ditanda hamu apala songoni ganjang ni partuturonna. molo naboi huantusi holan olat ni 3sundut dope partuturonna, anggo nung sampe songoni ganjang ra sampe 8 sundut poang . . . aah ndang hapinkiran au dope i ba Tulang, boi do ajaran ni Tulang iba taringot tupartuturon ?!
    ai iba pe huran antus dope iba taringot tusi, aut sura adong manungkun iba, “songon dia do tulang rorobot” inna ndang boi patorangon.

    jadi marparhuan do iba tu boru ni akkang ni simatua boru ni eda kanduang niba sandiri.

    jala marparhuon do iba tu anak ni namboru ni boru ni tulang rorobot ni amangboru sian oppung tinodohon ni lae ni tulang ni anggi ni parsonduk bolon ni pariban
    mansai rumit do tahe partuturon ni batak on ate tulang . . .
    alai alusi hamujo sungkun-sungkun hi da tulang . . . ! ! ! hu paima alus sian tulang . . .

    Mauliate di halak Tulang . . . . ! ! !

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s