Tubeless…., Bah… Mago Ban Dalam.

Jeffar Lumbangaol

Adong ma sada doli-doli sian hitaan marsangkap laho mangaranto. Ibana baru tamat sian SMA. Hape arga ni kopi tingki i, taon 80-an turun. Dang adong be istilah kopi si garar utang. Jala natorasna pe dang tolap be pasingkolahon ibana tu universitas.

Dipaborhat natua-tuana ma ibana tu pulo Jawa. Sian lokket bus di Siborong-borong ma ibana nakkok. Tinggki borhat bus on, manetek do iluna. Ala tinggalhononna ma angka si dongan Magodang dohot ale-ale na sai so tarlupahon i.

Sahat ma ibana di kota Bandung di manogot ni ari, tuat ma ibana sian bus on hape dang adong dope tujuanna manang tudia. Laho ma ibana tu sada warung kopi paima torang ari. Uju laho manggarar kopi on ibana didadap ma sangkuna ni salawar jeansna i, hape dang adong be dompet na disi, huroha nunga dicopet halak dompetna i. Manang na di bus trans sumatra i do di copet, manang disi sahat ibana di kota i, dang pala tanggkas diingot ibana.

Ba na tuani ma adong dope 20 ribuan di solohothon ibana di sanggku jeansna na metmet i. Dang sadia leleng ro ma polisi laho razia.

“Mana KTP mu?”, ninna polisi i

“Ampun Pak, tadi dompet saya dicopet”, ninna si doli parjalang on ma mangalusi Polisi i.

“Ah kamu bohong”, ninna polisi on ma. “Mau ngapain kamu ke kota ini?”

“Mau cari pekerjaan Pak”, alus si doli parjalang i.

“Hei kamu ada-ada saja, yang disini aja nggak dapat kerjaan, paling-paling nanti kamu jadi maling atau nyopet disini, ayo ke kantor aja kamu biar ditahan”, ninna polisi on muse.

Tangis ma sidoli on, “bah na laho maup nama au hape, manganggukhi ma ibana asa di palua polisi. Alai ndang mangkorhon anggukna i tu polisi Polisi on, dang olo paluahaon ibana. Diboan polisi i ma ibana tu kantor polisi.

Disungkun polisi on ma muse ibana ; ” Eh, kau ada bawa duit berapa?”.

“Aduh ampun Bapak aku hanya punya duit sikit”. Dipatudu ibana ulak ni panggarar kopi nai.

“Sini”, ninna polisi muse dibuat Polisi ima sampulu ribu.

Ujung na dipalua polisi i ma ibana, alai huhut diondam; “Awas nanti kalau kamu nyopet saya jebloskan kamu kepenjara, mengerti?”, digertak polisi i ma ibana muse.

“Baik Pak”.

* * *

Dilangkahon ma patna, sai di lului ibana ma manang na didia adong halak hita di kota i. Ujung na ba dibereng  ibana ma adong par tambal. Sian bohi ni partambal ban on songon namar suhi-suhi. Dibagas rohana songon na halak hita do partambal ban i. Alai laho mangantoi lomos ibana atik beha dang halak hita. Dilului ma beha angkal asa boi manghatai tu partambal ban i.

Diendehon ibana ma “O Tao Toba” nanget-nanget, asal ma tarbege si partambal ban on. Ro partambal ban on tompu di dokhon : “Eh na didia do nangkining kunci sampulu sadai?”, alai dang pala dibereng tu si doli parjalang i, songon na marhata tu sasahalak, hape sasadasa do disi. Umbege on mansai las ma roha ni si doli parjalang i.

Dang sadia leleng, tompuma pardompahan nasida pajumpang. “Bah na halak hita do hamuna”?, rampak manungkun ma nasida padua.

“Ido bah na baru sahat dope ahu sian hitaan”, ninna si doli parjalang i.

Ujungna dijanghon ma ibana sementara di bengkel tambal ban i modom molo borngin. Manogot ni ari manigor hatop ma ibana dungo manghobasi bengkel i. Dung i sai diparate-atehon ibana ma songon dia do dalan laho manambal ban, jala partambal ban on pe, ringgas laho mangajari ibana. Didok roha ni partambal on, jolma naburju si tutu do si doli on.

Ari dapot ari, minggu tu minggu nunga sabulan si doli modom di begkel i, alai dang dope dilehon pos ni roha tu ibana gabe asistenna.

Di sada tingki, laho do si nampunasa bengkel i manambal ban tu sada inganan. “Eh Anaha”, ninna tu si doli i, “Jaga jo bengkelta on da, satongkin do ahu tu komplek an adong langgananku na kompes ban disi, molo adong na laho martambal ban, karejohon ma da, kan ngahuajari ho beha manambal”

“Beres bos”, ninna ibana. Ah on ma kesempatanku praktek, ninna di bagas rohana. Disi laho Bosna i, ro ma sada mobil nabaru alai kompes banna”.

“Pak tolong ditambal”, ninna si nampunasa mobil on.

“Beres Pak !”

Dang sadia leleng dibukka ibana ma ban ni mobil i; “Bah ! Pak kok tidak ada ban dalamnya Pak?” Huhut tarsonggot jala sungkun-sungkun di bagas rohana, “Ai begu aho do panangko nion ompung,  boi ditangko holan ban dalam nai?”

“Wah kok gak ada ban dalamnya ya?”, nampunasa mobil on pe tarsonggot situtu. “Tapi Pak saya buru-buru nih, tolong di tamban entah gimana caranya, pokoknya saya gak mau tahu”, ninna nampunasa mobil on.

“Baiklah Pak akan saya kerjakan ada ban dalam baru kok” ninna si doli.

“Ok, bisa cepat?”

“Bisa Pak!” alus si doli.

Ujung na di pamasuk ibana ma ban dalam na baru i, ba pokokna boi ma mardalam mobil i. Dang sadia leleng mulak ma nampunasa bengkel i huhut disungkun ma ibana. “Beha do adong do namanambal nangkining?”. ” Adong do Bos, alai mansai tarsonggop do ahu, ai soadong ban dalamna”

“Songon dia do dibahen panangko nai manintak ban dalam nai Bos?. Ba.. huganti ma dohot na baru”, ninna si doli parjalang i, dang dapot di rohana,  beha do parmago ni ban dalam i.

“Eeh eh, ai mangomo do hape mardongan tu na oto”, ninna  roha ni parbengkel i.

“Ai ban cubles do goar ni i. Alai dang pola mahuai ai lakku do ban dalamta na baru” “Ha..ha..ha …. eh tahe” ……….  ninna par tambal ban i.

Ceritera ini dikutip dari komentar Jeffar dari salah satu postingan di blog ini. Daripada saya tertawa sendiri biarlah kita tertawa bersama. Pengalaman siapa ini Jeffar? 

Iklan

26 thoughts on “Tubeless…., Bah… Mago Ban Dalam.

  1. hahahaha…
    parodi kehidupan orang batak yang lucu banget…
    tapi kenapa harus tambal ban yang dijadikan contoh pekerjaannya lae,
    apa tidak ada pekerjaan lain…? koq seolah-olah tambah ban sudah menjadi bagian dari kehidupan orang batak, setelah sopir metromini dan angkot 05 di bandung…hehehhe..

    horas,

    bonar
    http://sihotang407.wordpress.com

  2. jeffar lumban gaol berkata:

    sumber asli pengalaman anggi nami R Sagala sekarang bermukim di Bogor simpang jalan raya Semplak. butima mauliate Bah! Lumban Gaol sian Huta Paung do ahu “Barita Mopul”

  3. Bah, ala naung loja ito Naipospos ketawa guling2, gabe diarahon donganna asa rap mekkel… hehhee
    Bohi ni halak Batak marsuhi2…, ba patut do hape adong tradisi ni adat Batak “Suhi ni Ampang na Opat”

    Ahu pe ito adong do saritakku na lussu taringot tu partambal on. Jot2 do huledeki Laemu. Alana kan mayoritas partambal sian Humbang do dangi? Ai hami pe par Humbang do. Molo pas manambal hami, pintor huhusiphon do tu lae mu: “Lak sukkun itoan i, pasti do par Humbang” nikku. “Ahh… na godang keccetmu” ninna.

    Najolo ito, hea ma au kena batunya. Alai sombakku ate, daaaang na menyepelehon partambal au dah, asa ribur do partungkoanta on…
    Hea ma laemu martambal, dungi marsintandaan ma dht partambal on. Dung sahat di jabu didok ma tu au: “Au nakkaning manambal di bengkel ni marga P****** do!” ninna. Ahh na godang keccetmu, didia ma hea i, nikku. “Ehh dang porsea ho” ninna. Pardia haroa itoan i? nikku. “Dang apala husukkun, molo so porsea ho, ba mampir hita manang andigan disi asa marsitandaan hamu!” ninna.

    Singkat cerita, hea ma disangajo laemu lao mangisi angin disi. Pintor dipatandahon laemu ma au tu itoan i. Toho ma tutu “hula2 i” do hape. Husukkun ma manang na boru aha eda i, didok itoan on ma : boru M*******g, sian P****t. Dung mulak hami sian i, pittor hudok ma tu laemu: “Ninna rohakku pe, pasti inanta i do na mulai mangarintis usaha i, anggo itoan i namangihuthon eda i do..” nikku. Kete ma dihilala laemu, mekkel2 ma hami di mobil i.. Wakakakkkkkk

    *** Hira dapot rohangku do ito angka marga samaran i, oloma annon ditanda kedanhu si Hendry on πŸ˜€

  4. Maulina br sirait berkata:

    He…he… lucu juga cerita si Jeffar itu ya Tulang… molo ni parrohahon di pangarantoan on emg hira godang do partambal ban halak batak di pinggir jln. Horas !!!.

    *** So huboto sian dia dipapungu ibana i, bersaing ibana dohot si Henry markombur πŸ˜€

  5. Boike sitorus berkata:

    Nga bakko i haroa sai di identikkon tuhalak kita namartambal ban ate tulang.Godang do nian akka pengacara senior sian halak hita,alai sai pintor tupartambal do dipatudos molo karejo ni halak kita.Apalagi na mangaranto tu pulo jawa.Ai memang toho do nian namuraan mangalulu halak batak di pangarantoan on,molo dang di pinggir dalan ba di terminal…atehe.Nasongonima kejadian tu iba sandiri uju baru sahat au di Merak_Banten,pintor didokkon dongan i do antong”klo pak sitorus banyak saudaranya di pinggir jalan itu,ga susah2 nyarinya”ninna.Ai ahado maksudna sai inna rohangku,hape mandok angka partambal i do,he..he gabe geok huhilala. Tep mai dibulan naung salpu ia lao ma nian mardalani tu lampung bah disipe hape songoni do tong,sampe do adong disi ASPEBAN-Asosiasi Pengusaha Tambal Ban,markantor di LAPO TUAK GABE Di lampung selatan….

  6. jeffar lumban gaol berkata:

    Lae Bonar http://407.wordpress.com na burju, ai dang na soadong turiturian ni angka celeb i, alai ala namansai jonok do huhilala tu realita sosial ta sehari-hari jala on ma na didok realism dalam sastra. On ma potret ni halak hita, jala balga/ bangga si tutu do rohangku sebagai halak Batak manigori aha na masa di tingki on. Unang pala kecil hati hamu lae Bonar na burju ai holan sastra doi, boi surathon muna angka na asing tarsingot tu angka pengacara na nidok muna i. Ba santabi ma Lae da Horas !

  7. Bah, tung tolu mobil muna “Mercy New Eyes”, molo so adong par tambal ban, dang marlapatan mobil muna i. Ai dang boi dipakke molo kompes ban nai.. kan,

    Berarti alani par tambal ban i do, umbaen na mar arga mercy i…

  8. radja nadeak berkata:

    marsiboan ragam do na mangaroon doba…molo halak semarang ro hu jakarta on… rata2 gabe jual bakso do.. manag mia ayam….pake gerobak… molo hita jadi pareman ma diterminal… manang buka usaha tambal ban…

    sonari…adong do hea ditanda hamu mangaranto sian hitaan majual bakso pake gerobak?? hurasa dang adong i….

    horas…

  9. Hendry.... berkata:

    *** Hira dapot rohangku do ito angka marga samaran i, oloma annon ditanda kedanhu si Hendry on πŸ˜€ …….

    aku cuman mau komentari foot notenya aja dah,…..
    Nga huboto i ito desy, hutanda do ra i…..jala unang pola di baen gok titik-titikna…ai nangudakku do i, boru manullang…sogot ma hukomentari muse dah…mulak ma jo…

    Hidup partambal,..
    (hendry lg par P******t )
    sehari-hari aku nongkrong di MM2100 di bengkel / partambalan ni marga siTOHANG par P*****t)

  10. Uda,……
    ini aku tambahin postingannya, belom posting di http://www.pakkatnews.com disini aja saya sharekan,….

    Parjolo, mangido maaf tu akka donganhu par tambal ban, nian dang apala na mandok dia, ai holan na martaringot do. Seleleng on nian tung godang do suhutan na boi nu surathon, taringot tu professi partabalan on, alai dang pola haru adong habaranion ni roha manurathon, atik boha adong nasopola marlomo niroha manjahasa. Mardomu ma suhutan di hombar balok, na manaringoti partambalan, bah songon na hudok nakkinon, tong do adong sigeok-geok jala pengalaman ni akka dongan, partambal nang dongan na hea lao tu partambalan.

    Nasahali, marjanji ma hami pajuppa dohot dongan di sada mall di Bekasi on, ala adong si ulaon nami nadua tu Jakarta. Hupaima ma ibana di halte na adong di jolo ni mall i, ai ninna roha, molo tung paimaon di bagas mall i, olo do tok leleng ibana annon mangalului parkiran ni motor ( baca, kareta = bahasa medan, tapanuli). Tutu madah, sian nadao nunga hubereng be ibana, jala tor didapothon ibana ma au tu halte i. Dibukka helemna na golap huhut ma massijalangan.

    “Lae ma maboan bah, ala hurang modom au, makkar, manonton liga champion nabodari, hape talu muse ma” ninna huhutma dilehon tu ahu helem on, jala turun ibana sian motor na on. Nga binoto, ai uttigon do bayon manonton bola sian na niarahon mangalulkui si ulaon na maparohon hepeng. Manang liga beguaha pe, begu attuk, begunurnur ditonton on do. Mulai sian liga di eropa sahat tu pertandingan antar RT candu do bayon manonton.

    “Nauli lae” nikku huhut ma hami hobas lao.

    Alai, dang sadia leleng dope na mardalan on hami, huhilala songon na kompes manang hurang angin do ban ni motor na on, molo kuat do feeling hasupiron on di sasalak jolma, tor diboto do na hurang angin jala namahua kendaraan nabinoanna on. Songoni do nang au, ala nunga leleng na gabe tukang ojek iba di kota metropolitan on, tor huhilala do adong na hurang di motor i, hape sidalanan dao. Sian Bekasi tu Kota, lewat pinggiran ni Kalimalang, jala tung mansai godang do lubang sidalanan dison. olo do marmara jolma molo hurang lehet kenderaan nabinoan. Hupapinggir ma motor on, jala hudok ma tudongan on

    “Lae, ai na hurang angin do ban ni motor mon? manang na kompes ban do hita??” huhut ma turun au sian motor i, nang ibana pe turung ma attong. Hupareso ma ban belakkang on, toho ma songon na kompes do. Ai molo biasa iba marmotor, manang markareta dihitaan didok, tor binukka do pentil ni motor on, dungi binaen ma tijur niba i tu jari-jari nibai, dungi dipamasuk ma tijur on tu luban ni pentil on. Dang boi dohonon kotor manang rotak, alai otomatis do i molo laho paresohon pentil ni motor iba.

    Dang adong margumo, lapatanna denggan do pentil ni motor i, jala naruhakku alana tarik dua i do hami, hape dang kuat ban na i, jala hurang angin.

    ” Beta ma lae, dijoloan adong do partambalan, tusima ta pompa satokkin” ninna dongan on

    Dung sahat hami disada partambalan, tor turun ma dongan on, ai nunga binoto na halak hita do paratambal on.

    Adong do UU ni negara on na mandok bumi dan air dikuasai oleh negara, tapi angin dan tambal ban dikuasai oleh orang Batak

    “angin jo lae bah, songon na kompes otik” nikku, jala turun do dongan on.

    Ditarik amantaon ma slang ni anginna on diisi ma angin on, jala au pe dang haru huparate-atehon boha ibana na mangisi angin on, toppu ma didok ibana.

    “Ai na sega do pentil na lae, torus do boccor on innon, dang ha isi beon”
    “Boha sega?! denggan do nakkinon” nikku huhut dohot paresohon.

    “Ikkon gattion nama ban dalam nai….”

    Tutuma dung hubereng nunga mallepes be angin sian pentil na i. Bah muruk ma au attong, ise na so pikkal ate-ate, ai so gok dope satonga jom na pinareso i, alai tor didok ibana, sega ninna jala ikkon gatti ban.

    Alai holan dibereng dongan on situasi i, jala dohot ibana paresohon ban ni motor on pittor didok ibana ma “Gatti ma lae, na denggan i bahen, dao dalan nami…”
    “Paitte jo, unang tor gatti, nadisegai do i, ai holan na hurng angin do nakkinon, boasa sega??? ” nikku

    “Beta ma tu kode an mangopi satokkin, lok ma digatti nasida, nunga arina ra i ikkon gattion” ninna dongan on muse huhut serom otik jala di sarat tanganhu tu lapo i.

    Tep ma dah, nunga sae tutu digatti ban dalam i, jala hatop ma dibayar hon dongan on, tolupulu ribu, dang pola ditawar. Lao mahami manorushon pardalanan on tu kota Jakarta, alai anggo au sai manginongi do diruhakku, ai hurang hujalo do namasa i. Nian dang pola be niparsoalhon ala tor hatop do dibayar dongan on. Sadia ma hepeng sa tas, cara i do. Gok Hepeng di Bank, alai molo so masuk akkal dalanna, hurang do pakkilalaan. Pandok ni dongan, so adong dope batas ni nomor seri ni hepeng, jadi gok do hepeng.

    Dung manghata-hatai hami di inganan sitopoton nami i, rap dohot dongan na asing, sahat ma nitaringotan kejadian nakkinon, didok dongan hon ma

    “Tong dope dang terima lae di kejadian nakkinon? ai naso di ingot ho do hea au martambal andorang so karejokku sisaoanri?” ninna ibana ala hutaringoti muse ban dalam ni motor na nabaru digatti i
    “Bah ido, huingot, tutu do martambal do lae di bekasi, maksud ni lae boha”

    “Nunga hu salong be nahusuan i”
    “Dang huantusi…”
    “Anggo holan na manjual angin nasida, sadia ma dapotsa sadari, ikkon lakku do ban i, nanggo apala lima sadari, nunga ni ula sude lae i, ido alana dang pola kaboratan au nakkinon mambayar ban dalam i.”
    “Maksudmu????…”
    “Olo, nga diantusi ho i, molo hami partambal on adong do kiet ni i, ikkon gatti ban!!, jadi nunga rela au disi….”

    “Bursik ma ho, patut do sai mekkel ho nakkinon di partambalan i, ai murid mu do hape nasida” nikku huhut ma hami margaharga mekkel alani i.

    Molo dang diantusi dongan panjaha aha maksud ni dongan ho “adong kietna ” ninna, berarti sarupa ma hita, ai aupe ndang nyambung hian dope tudia arah ni pakkataion i. Situtudo suhutan on dah, pengalaman ni dongan do on.

  11. Salngam berkata:

    Membaca tulisan di atas saya jadi teringat sebuah cerita bagimana solidaritas sesama orang Batak (Mangkuling mudar) dan keberanian dan nyali orang Batak merantau:
    …. Adong ma sada tong si doli parjalang tardampar to Los Angeles Amerika. Si doli on modal nekat do na mangaranto i , manumpang kapal barang do ibana tu Amerika. Boha parmasuk na tu Amerika mungkin cerita berikutna na na ma i. Dung sahat ibana di Los Angeles, ndang dung adong dope panginapan ni ibana, tipikal ma i modom di emperan ma manang di Stasiun kareta Api. Huroha nunga suda hepeng, nunga terancam parmanganna. Molo so adong be sogot hepeng anggo ahu mate ma ninna rohana. Mardalan ma si doli i . Di pardalanan di bereng ibana ma adong rombongan sirkus. Kebetulan iboto ibana do saotik-saotik Bahasa Inggris. Adong tarjaha ibana tulisan “VACANCY”. Bah, tuani ma ninna rohana.
    Masuk ma ibana, pajumpang tu anggota ni grup sirkus i. Ditudu-tudi ibana ma tu tanda “VACANCY” i, ala hallang dope ibana marhata Inggris. Ro ma si bule i di sungkun ma” you really need a job!?”. Di unduk si doli i ma. Diboan ma ibana tu kapala rombongan ni sirkus i jala dipatorang ma aha si ulaonna.
    Ia ulaonmu ima manggantihon Harimo marauang… mandongani harimo na asing. Ala lagi marsahit sada harimo nami ninna si bule on. Pinamasuk pe ho tu Harimo-harimoan. Molo disuru ho mangaum annon mangaum ma ho dohot angka dongan mu harimo ninna si Bule i. Bah, anggo au mate ma au, ninna rohana. Alai boha ma bahenon, oloan nama i daripada so mangan ninna rohana. Ok..Ok. ninna ibana huhut undu unduk ibana tu si Bule i.
    Tiba saat na pertunjukan di arak ma angka harimo i tu tonga ni pertunjukan. Mangaum ma sada harimo donganna i, tarsonggot ma ibana, huhut teriak “Bah mate ma au!! songoni ma angguk na. Huroha dibege harimo na disabola na i do angguk ni si doli parjalang i. Mangkuling ma donganna harimo na di lambungna i di dok. ma ..”AI HALAK HITA DO HAMU!??”. Tarsonggot ma ibana huhut mago ma biarna, ala jolma do tong hape harimo na di lambung nai jala tong halak Batak laoskompak ma halak i nadua na mangaum i huhut tamba marsaringar soara nasida. Selamat Natal.

  12. GanTob. berkata:

    Bah…tabodo markombur di Hari Natal on boh…
    Ahupe adongdo pengalamanku taringot tu halak batak alai dang adong hubunganna poang tu partambal ban…
    Najolo tingki singkola dope ahu di Medan, heama mar-kareta (sepeda motor) ahu dohot donganku marga Tp. Bolon lewat sian Jl. Guru Patimpus.
    Pas dijoloni SPBU i adong rajia, dipaso polisi on ma hami da…”mana SIM sama STNK” ninna polision…hape ngahuboto dang adong SIM ni kedanhon alai hubereng pardompahan ni polisi on “marsuhi-suhi” jala logatna tingki manungkun surat2 ni kareta on tarbegedo logat ni nasian hitaan…
    pintor ahuma mangalusi “Ago…angkang parsingkolado hami, nahupinjam hamido kareta on sian dongan laho mambuat kiriman sian huta jadi dang adong SIM nami, maaf majolo angkang”
    “Eh…ngomong apa sih…nggak ngerti ! Bahasa Indonesialah…” ninna Polisis i, alai au yakin hiando nahalak Batak polisi on cuman ibana pakai Jaket gabe dang tarida goarna.
    Alai tingki laho pakaluarhon surat tilang dohot pulpen ibana, tompuma madabu pulpenna “MATTEMA NEIH…ALANI HO MA IH !” ninna ibana spontan…bah…bah…bah kena batunya ninna rohangku…jala pintor mengkelma hami nadua dohot kedanhon…
    Ala ilani polisi on disonggakma hami nadua…”sana…sana !! dasar orang kampung” ninna…
    pintor lari hami…huhut mengkel-engkel…
    SELAMAT NATAL.

  13. partalitoruan berkata:

    Hahaha, mansai hansit butuha ku tulang manjaha postingan on boh.Marlaba ma alani ni naso marbinoto ateh tulang :))

  14. goklas sinurat berkata:

    emang ate, anggo cerita on dang tarbahen2 na ikkon adong do cerita nyata asa boi ceritahonon………
    songon tambal ban i godang do halak hita na hurang mangatusi karejona hapeng sebenarna dang diboto ( patang so diboto do istilana)
    nang au pe hea do mangalami taringot ni tambal ban on…. taon 2004 dung sahat tu jkt sanga ma di boan par uda on laho martambal asa adong inna kegiatan paima adong karejo di perusahaan.
    hu oloi ma attong , ari parjolo au karejo attar rame do attong karejo nami alai hubereng2 gampang do hape inna rohakku……
    pittor praktek ma attong au lao mambukka ban ni motor/karetaon….. pittor hubuat ma bosi pencongkel na i 2, pittor hujukkit ma attong ban ni motor on hape sala aroa au pamasukkon pittor mangangkat ma attong bosi nai tuginjang naeng ho nama babakku, pittor nikku ma ba…mangakkat baji2 nai uda….. Pittor di dok ma tuau……. bolo karejo iba dang pattang so jago……bolo hona nakking ulumi dohot matami boama inna ma tu au……….
    dung i ari patoluhon ro ma mobil pribadi muse ima taringot tu ban tublees on….. di dok ma au laho mambuka ban ni mobil on hape pittor hu jukkit ma atong ban on dang boi bukka ban dalamna…… ba uda dang adong ban dalamna nikkun…… pittor di dokma tu au…. ai holan namanegai do karejom dang adong ban dalam ni…….(pitor inna ro hakku ma ttong bolo akka na mora hape mar mobil dang mar-ban dalam hape….. hape au do na hurang mangattusi teknologi….) huhut ma di songgahi au….

    ba assit nai hape nakarejoon ate, idope 3 ari iba karejo nunga pittor di songgahi…. bolo karejo au 2 bulan nai dohot nama hata anna natua2 na di hutaan ninna ro hakku…
    sogot nai attong dang lao be au karejo martambbal?????

    sukses partambal ban……

  15. Sahat Nainggolan berkata:

    Adong do UU ni negara on na mandok bumi dan air dikuasai oleh negara, tapi angin dan tambal ban dikuasai oleh orang Batak >>>>> Wakakakakakk,, erget nai puang!!

    Mauliate ma lae!

  16. Ir.Timbul Siringo ringo Msc berkata:

    ” GOPE dan EMPRAT ”

    di sada tikki adong ma sada natua tua sian siantar ditonahon anakkonna tu jakarta mardalani ,amantta on nungga matua hira hira 70 taon ma umurna, karejo ni amantta on parsatur ulung don di kode di siantar. ro masurat sian anakkonna , didokma ” bapa ro ma tu jakarta hukirippon pe ongkosmu ,jd naik kapal laut ma bapa alana jonok do jabu ni anakkonna i sian pelabuhan i, dung sahat i tanjung periuk sukkun bapa ma alamtton tu parbecca jala naik becca i ma bapa. Dung sahat amatta i di jakarta , turun ma iban sian kapal laut on, pittor lao ma ibana mangalului par bescca na adong i daerah tanjung periuk i, dapot ma disukkun ibana ma par becca on

    Bapa na sian hitaan : “pak mau tanya akuuu kaalaaau ketemmpat alamat ini beeraapa ongkoss?

    Tukkang becca : ” kalau ke tempat ini murah paK !” cuma Gope aja

    Bapa na sian hitaan :” bingung ibana ala dang diatusi arti nio gope di akali ibana ma par becca on alana tukkang catur do ibana si godang akkal tor di dokkon ma ” ga bisa emmmprattt pak?

    tukkang becca : Binggung…..? di sukkun par beecca on ma Berapa Emprat pak?

    Bapa na sian hitaa an : kalau gope berapa?

    tukkang becca :dari dulu juga kalau gope ” lima ratus pak”

    Bapa na sian hitaa an : oh tor dibahen ibana ma di bagas rohana ” lima ratus do hape molo gope’ ja disukkun tukang becca i ma amantta i

    tukkang becca : kalau ” Emparat berapa Pak, ro ma amanta i langsung dijawab ma

    Bapa na sian hitaa an : kalau Emparat dari dulu jg ” EMPAT RATUS ” ha ha aha ha

    ujungna jadi ma argani ongkos i opat ratus alani akkal ni amantta i ha aha aha aha aha aha ah aa

  17. Nurmida berkata:

    tung seget-seget do cerita muna on tulang, panjang umur do iba molo nijaha on. molo ni ingot ingot muse cerita on olo do gabe mengkel sandiri iba ra atee .. he. . . he . .he . . .! ! !
    Makin sukses aj Buat Bangso batak . . .

  18. Nurmida berkata:

    Tung seget ma cerita muna on tulang. Panjang umur do iba molo manjahaon, olo dora muse molo ni paingot-ingot cerita on gabe mengkel sandiri iba ra ate . . .? kadang molo nisigatan godangan halak hitaan do na karejo di tambal ban, sopir, alai unang hita berkecil hati alani i, tung boa pe inna molo soadong partambal ban, ndang boi marmobil angka parmobil, ai ndang tardok so sega ban ni mobilna, jala angka dongan na naeng mardalani pe ndang na boi lao dao-dao anggo so adong sopirna, ndang tardok sude jolma boi nappuna mobil. da i do tulang . . .
    jadi unang pola berkecil hati hita nang pe sopir hita manang partambal ban ate. tong-tong ta hamauliatehon ma angka na dapot ta i.

    Mauliate di angka Tulang niba . . .

  19. kamro berkata:

    ha..ha…haa.. mekkel iba dang alani haotoonnai da, alani polosna do dohot burjuna,,,,

    horas tano batak,,,,,

  20. anju manullang berkata:

    horas ma dihita akk halak batak.
    songon na ribur diberitahon di akka media. mengenai tor tor batak dohot gondang sambilan,
    na naeng di rebut negara malasia,
    mari kita seluruh bangso batak kokohkan dan bulatkan persatuan kita untuk menentang pemberitaan itu, .
    trimakasih.
    salam
    anju manullang.Medan

  21. @Anju Manullang,
    Ai didok nasida, halak Batak pe ro sian Malaysia do, jadi dang holan ulos dohot tortorna sian Malaysia….beha do? …..Halak hita sian Malaysia do na mandok ? … ha..ha

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s