CALEG NABISUK

Monang Naipospos

Tung loja do roha ni si Banggua Hasiholan patuduhon dirina anggiat tarpillit nian gabe anggota DPRD di luatna. Godang do ragam ni angka partanda patuduhon hadirionna dipatupa asa anggiat marlapatan nian sangkap ni rohana i.

Ianggo angka natuatua di hutana i nunga tangkkas dipandohanna ia si Banggua Hasiholan tardok ma sada SALEK. Ba ibana ma tapillit, ala anak ni hutanta, sian gomparan ni ompunta, ninna be do. Pos do antong roha ni si Banggua Hasiholan di angka pandohan i na ingkon sada do roha ni nasida be.

Marungkil do si Banggua Hasiholan laho pararat barita i tu hombar balok ni luatna i. Alai ro ma alus tu ibana naung adong anak baga-baga ni nasida dipajolo. Tu piga luat ibana lao, sai songon i do hata na ro tu ibana. Muningan ma rohana, bah boha ma gogo ianggo holan mangasahon na dihutanamian do, ninna rohana.

Bulan hurung lobilobi, samisara purasa buhu ni bulan. Sai niluluan soara manggohi, anggiat saut sangkap dapot na niluluan. Songon i ma si Banggua Hasiholan mampar songon hortuk tu dolok tu toruan, anggiat saut sangkapna gabe anggota dewan. Alai dang simanuk-manuk sibontar andora, ndada sitodo turpuk siahut lomo ni roha. Tarsonggot muse ma ibana dung dibereng ibana Ama ni Mardongan, amangudana sian ompu ni amana martinodohon pahembang tanda partai na asing diharbangan ni hutana.

“Dia do pordam amang porda di siagalangan. Dia do sangkapmu amanguda mambahen au tu paralang-alangan?”, ninna ibana ma tu Ama ni Mardongan.

“Ah… nunga songon horbo jinail au hasian tinogu tu lahatan. Dang na tardok ungkil ni rohanku umbahen au dang marhasoan”. Dipaboa ma na ro simatuana mangido asa ditungkoli laena na dohot salek, ima si Dondon Tua anak ni simatuana sian ompung martinodohon. Ingkon adong ma nian 50 soara lehononna asa boi pate hauma pauseang binoan ni pardijabuna uju dipatua hata di pangolina najolo.

* * *

Di partuaon ni Ompu Julonggo nagabe i, mulak do si Henry sada sian pahompuna sian Jakata. Rosu do pardonganonna dohot si Banggua Hasiholan uju di haposoon nasida di huta. Marhaha do si Banggua Hasiholan tu si Hendry. Dihatahon si Banggua Hasiholan ma sude arsak ni rohana na so boi sude marsada gomaparn ni ompu nasida binahen ni Ama ni Mardongan nananungloli parjongjong ni laena.

“Pos ma roham anggia, ta atur pe”, ninna si Hendry.

Las ma roha ni si Banggua Hasiholan umbege alus ni si Hendry i. Ditogihon ma ibana mandapothon Ompu Marsinta, anggi boru ni Ompu Julonggo. Dihatahon ma sude sangkap nasida. Dipangido ma asa marpaula songon na hasoropan Ompu Marsinta di ulaon partuat ni Ompu Julonggo. Disolothon si Banggua Hasiholan ma sanggomak sihumisik tu tangan ni Ompu Marsinta.

Uju di tortor paniaran, marpaula ma songon na naeng tinggang Ompu marsinta jala hitir-hitir dagingna. Sigap ma angka ina na di lambungna i mangarabin ibana asa boi muse mulak denggan jongjong. Dipaegal ma panortorna, asing sian na somal. Na sorop do ompunta parsadaan, ninna saida be.

Dung dibereng songon na marpaima sude natorop i, mangkuling ma ibana. “Horaaas”

“Horass ma tutu ompung”, ninna natorop i.

“Mardame-dame hamu daaaa…”

“Olo, ompuuuung”

“Marsada roha hamu, daaaaa”

“Nauli ompuuung”

“Adong do huboto sian hamu salek….masitungkolan hamu da”

“Olo ompuuuung”

Dung dipaherbang tanganna songon na mamasumasu tu natorop, marudur ma nasida be manjonok tu jolo ni Ompu Marsinta huhut manoirtor. Dung jonok Ama ni Mardongan, tompu ma dilotak Ompu Marsinta ibana dohot rambu ni ulosna huhut disonggak; “Jora doho?”

“Jora ma au ompuuuung……..”

ide cerita : Hendry Lumbangaol

Iklan

46 thoughts on “CALEG NABISUK

  1. Nababan.hitetano berkata:

    Bah, ai hebat do hape salek nuaeng ate?, pola do pasorop begu?, lussu,.. lussu tulang,…. ergek situtu tulang molo hata hamian,… dihutanami di hitetano dang adong dope sianni salek,… ia molo marukkil amani banggua hasilon nalao gabe salek nga tongon i, ndada pola pasiar ompu 🙂

    Nababan.Hitetano

    *** Hitetano Habinsaran do Nababan? Nunga hea au sian i, laos mangulon do dijabu ni Kades i tingki mamolus tu Simarbalatuk
    https://tanobatak.wordpress.com/2007/07/15/manatap-sian-simarbalatuk/

  2. Nababan.hitetano berkata:

    Ido inna hamu tulang!, hitetano kec. habinsaran do hutanami i adong do disi dolok batu hoda diginjangnai adong inganan paradiannan ni bulanda najolo (villa nuaeng mai ra di nasida hatihai), dolok-dolok hi ma bea tulang hutanami, kapala desa nidok munai (adong gombar na diattach munai – manatap sian simarbalatuk) anggikku sian oppung nami marhaha maranggi mai, jai dibahen na ma manjangkit dolok-dolok i baya, baltuk-baltuk ma antong bitis nami bea tulang, jai tarboi tongon do pe molo ro amani banggua hasiholan pupungu soara tusi hahahha :), alai na margait do ahu tulang

    Horas,
    Nababan.hitetano

  3. D. Sitorus berkata:

    alani musim caleg nuaeng mai ra ate,
    sampe roma siar oppungna,
    dohot do haroa angka oppung parsadaan nasida marsak mangida pertikaian ni angka pomparannai namanggulut kursi saleg nangkin.

  4. Maulina br sirait berkata:

    Ha…ha…lucu ni cerita on ate Tulang…holan mambuat caleg i, sampe siar2 on di rencanahon, terus alani biar ni A. Mardongan laos mundur teratur ma nasida.

  5. Lamsito berkata:

    hehehe..
    diboto ompungna nasoropi do hape istila SALEK…???
    naung adong do najolo PAMILU dohot KAMPANYE…??
    alai sotung dilehon da sigaret jisamsu so tung batuk kon annon ompungi..ai dang hea di isap i najolo..
    timbaho pulos ima dilehon…
    horas

  6. radja nadeak berkata:

    hahahhahha….

    molo marcerita nian amang on…holan na mekkel ma torus…

    mungkin godang do songoni nuaeng di huta… masa masa SALEK on…. gabe martondong sude….

  7. Bonar Siahaan berkata:

    @ Lamsito

    Setuju…..hahahahaha, alai sotung nampuna blog on do na disarito on????? Nian porsea do ahu ndang ibana i.

  8. Bonar Siahaan berkata:

    Adong saotuk sarito taringot tu saleg.

    Ala namora jala natarbonggal do ama Rahis ditup-tup roha ni si Rahis do naeng caleg DPR pusat, dipapungu ma sude angka sisolhotna dohot angka dongan ni natorasna asa adong patulus sangkapna.

    Dung marpungu nasida dipajomg-jong ma sada tarsongon partungkoan laho mamingkiri songon dia asa dapot pinarsinta ni rohana i. dijou ma dohot angka hombarbalok laho patuduhon partungkoanna i.
    Dijoui ma angka goar-goar ni “TOKOH” laho mangalehon pahean panghobasi di sangkap ni si Rahis, hape tarida ma holan nasida na saompu do TOKOH naginoaranna i. Mamintor marmulahan ma angka “Tunggane” na mandohoti ulaon i huhut didok be hatana; Bah…ai nunga sungkup hape holan nasida nasaompu mamillit i nang sopola dohot hita ninna be laho morot…..

  9. Hahahh… lucu nai tutu bah…!
    SALEK hona lotak….! JORA MA AU OMPUUUUUNG…….!

    Antong molo songoni ito, dang siulaon hape gabe SALEK…. boha nama i….? hehehe..

  10. irfan hasibuan berkata:

    Harus kita dukung siapa orang yg ingin berbuat baik…
    apalagi orang tersebut adalah keluarga, sahabat atau dari kampung halaman kita… jgn liahat partai nya… tapi lihat lah org nya…

  11. goklas sinurat berkata:

    Memang massai tabo jala ngeri do bolo huingot cerita tentang caleg on, tikki SMU ahu huingot dope di huta namai gaor masalah INDORAYON, Alai gabe indorayon on ma sumber keberhasilan gabe DPR/DPRD tu akka namalo mangoto- otoi. asa hudok songoni attong, Tikki kampaye sude namalo i pittor di bahen do Judul ni Kampaye on TUTUP INDORAYON Pittor las ma rohani akka jolma i attong Ala di dok Tutup Indorayon, jala di dok akka Saleg i ma attong Bolo namborutta i do Monang Tutup do Indorayon, alai Bolo Tulang i do monang Bukka On na do Indo…….., jadi dung i toho ma attong monang namboru ni parporsea i monang Pemilu, holan monang namboru i pittor di lantik ma attong gabe Wakil Presiden……Pittor Namboru ni Parporsea i do Parjolo Mandok Buka INdorayon…… ( Gabe kele ma sude amatta/ inatta na di huta i termasuk ma au)
    na hudok disi ise na malo mangoto otoi i do nagabe monang/juara……
    jd amatta namanjou oppung nai pe namalo doi, asa moru saingan/alona……
    salam perjuangan…………….

  12. H. MALAU berkata:

    Ai sipata gabe sega do paradaton dibahen ha-partai-on dht ha-SALEK-on on ate?!! Gabe masiallangan do na markeluarga.

  13. pontaseddy berkata:

    Salek manang Calek ninna na deba…. na denggan ma i, asa unang gabe dipendam angka na dibagasan roha… silahkan maju terusssssss.
    Penentuanna, songon istilah ni angka na diparserahan….
    “MOLO RUMPUT MUMBANG,…..BA MOLO BATU LONONG”….

    sae ma jolo drama satu babak….. molo ndang monang….. santabi Amang Boru dang na manggoari ahu, ………haduan muse 5 taon nanaeng ro diluahi angka dongan gabe SALEK,
    songon i ma siklus ni ha Salek on i…
    asal ma unang gabe Selek angka na martondong, tarlumobi na marhahamaranggi dohot angka namariboto….. alana Pemilu 2009 on, bukan main do godangna SALEK boru2.

  14. Drs. Marangin Silalahi berkata:

    Huhilala dang songon i, sian pengalaman hu sebagai Calon Anggota DPR RI DAPIL DKI 2 sian Partai Demokrat Caleg no.7 Drs. Marangin Silalahi. DAPIL DKI 2, Jakarta Pusat, Selatan dan semua Perwakilan RI di Luar Negeri. Alana masalah adat ba tu adat, masi pasangapon, masalah Partai ba tu Partai, sudena marpangalaho secara dewasa, jala sportip dohot beretika na dengan.

  15. partoba pangaribuan berkata:

    CALEG……..???? PARTAI??? PILKADA???? PEMILU????
    jenis makanan apa lagi tuh? apa bedanya dengan lampet?
    manang ombus2? manang sarupa doi dohot daling2? tapi yang pasti gara2 itu semua:
    1. dang iparohahon be manang na adong dope boras ijabu?
    2. molo sodapot ni rohana ihata-hatai dongana, dongan tubuna, hula2na, tulangna, ompungna, amang boruna, sipata simatuana (hahaha).
    3. munculma HoTEL (Hosom Teal Elat Late)
    4. Boi gabe marsitalikkan namarhaha-maranggi
    5. Marhata-hata i kode tuak, apalagi molo ngamasuk 3 galas.
    6. tompu gabe iantusi politik dht marpolitik (haumana rambaon godang muse SATUA/bagudung)
    7. Adong go uangna???? sipata maos mai isukkun2 taringot tu calonna manang namancalontton
    8. Tompu sok dermawan (najolo naholitan)
    9. Tompu gabe parsaor. (hape so hea hinan)
    10..(na terakhir)……………………………..Olo gabe RINTIK..!!!

    Molo hera2 songonon dope pola pikkir’ta taringot tu namarnegara on hulala dang marna maju hita (khususnya halak kita)….ai boama, holanna mangola do iantusi….ia denggan ma nian iula hamuana be ate?
    O ale bangsa batak di luat portibion…tapasada marohanta beta ma taula denggan haumatta.
    HORAS TOBA!!! GOLPUT FOREVER!!!!

  16. Peterson Pangaribuan berkata:

    Satuju appara partoba (salam kenal komandan), dumenggan ma hita mangaluli hepeng dengan tanpa risiko na borat tu parbaluangon/ mental psikologis ate, jadi molo dang pola haru berhasil usaha i ba dang pola siteress, mala lam tabo modom dung masuk 1-2 galas asa songon na las daging…

    alai mo talu do na marsalekon, olo ma holan na riting-ritingon annon, sude nama si surang di ibana dang adong be na toho, suami/ istri anak, keluarga , saudara, sahabat, teman, team sukses..dll, ” sude ma on gabe si surang” apa lagi molo ni ingot/ nirimang-rimangi muse par habis ni hepeng i, mambayari angka dongan di tingki laho mangalului angka konstituen, baah dang binoto bei, nipi namai, olo muse ma annon mura-mura tarsinggung, mengkel halak sai dirippu iba diparengkeli, di sise halak dirimpu na mangarehei, dohot angka na asing dope tahe nasarupa tusi. Molo saran sian au tu angka dongan salek on tarlumobi mai tu halak hita. Parjolo pikir matang dan kalkulasi kemampuan, waktu, tenaga dohot ekonomi jangan pertaruhkan masa depan keluarga/ anak-anak. Manat-manat ma hamu bereng hamu persaingan, kondisi masyarakat/ penduduk di dapilnya, bertindak rasional, melakukan kalkulasi na matang, berpikir tetap positif, unang terbawa emosi (ondo sada na sulit ni kontrol). Berikut na muse “prinsip yang pertama sekali harus dimiliki, secara mental dan pisik, jasmani dan rohani, harus siap, sanggup kalah/ tidak berhasil/ gagal, posisikan diri dalam kondisi kalah bukan dalam kondisi menang, dengan demikian biasanya akan bertindak lebih militan (dalam arti positif), rasional dan lebih matang, bisa melakukan analisa terhadap hal-hal yang kurang dan perlu diperbaiki dan punya planning.

    Unang gabe penyesalan na so hasol-solan annon poang di pudian ni ari songon na di jawa i (dang sanggup be ibana mengelola persoalan hataluan sian salek i, ai ternyata hape nama minjami do ibana biaya tu hasalekon i, ujung na gabe rintik amanta i). Asi rohamu marnida hamu dohot anak, istri/ suami muna tuan nami. Alai molo siap do kemampuan ekonomi, ya silakan maju, awa setuju kalipun, itu malah perlu untuk bisa menapak ke jenjang dan kondisi yang lain…karena itu mungkin bisa merupakan pencapaian yang baru atau sarana perwujudan cita-cita dan idealis anda.

    Horas semoga sukses di hamu angka salek.

  17. Pontas Eddy Simanjuntak berkata:

    *** Ahhh…tulang…mana ada kampanyenya disitu

    Santabi Amangboru, maksud saya yg kampanye bukan Amangboru tapi yg par Jakarta itu nya.

    Show must go on ya Amangboru…

  18. Ito Desy …. bah unang gabe tata rohani Lae i dibahen ho Ito ….. hape iba nungnga siap siap laho gabe ajudanni DPR i …. sotung gabe gagal annon Ito ….. he..he..he…. hape Lae Situmorang nungnga mempersiapkan Team na lengkap ….. ai nungnga disurathon goarhu disi ninna ….. nga makkatai be hami ….. molo tertarik do Itokku ba pajonok jonok ma tu Lae Situmorang ….. dungi laos hatahon ma …..

  19. pontaseddy berkata:

    Kamis, 29/01/2009 10:40 WIB
    Caleg Itu Calon Legrek
    Djoko Suud Sukahar – detikNews

    Para pembesar kini ramai-ramai masuk desa. Dia mendadak dermawan dan tabiatnya berubah frontal menjadi manusia paling ramah. Siapa saja yang ditemui disapa dan diajak bicara. Tidak lupa salam tempel sebelum berpisah, amplop berisi duit. Apakah semurah itu ‘harga’ rakyat? Nanti

    Songon i do nang di Pesta Unjuk nuaeng di parserahan on (JABOTABEK), sai pintor dipambahen do tu Meja niba angka FLIER ni CALEG na laho sipilliton tgl 9 April 09 nanaeng ro on, tu Harbangan ni Gereja pe nunga masuk flier ni angka CALEG, na dipambagihon ni Tukang Parkir.

    Boha disi Amangboru ………………….

  20. pontaseddy berkata:

    Kenapa calon wakil rakyat itu disebut sebagai calon legrek? Calon manusia yang rusak fisik, bakal melarat jika tidak jadi, dan sosok manusia rusak iman ketika kelak menduduki jabatan sebagai wakil rakyat?
    itu kata Sdr Djoko Suud Sukahar – detikNews, Edisi Kamis 29 Januari 2009

  21. @ Mekkel Siregar

    Nunga mangkatai au dohot ito SS, didok ito i pecaton nama ho gabe sitiop map, alana hurang sossok do i tu ho. Urusan luar negeri ma tugasmu, arahon ma antong sude angka bule na di liat eropa asa ro mamereng Tao Toba na uli i. Tugashu pe nunga di ganti dang sitiop laptop be, urusan “INA” do ninna ito i na sossok tu au. Asa huajari jo angka inanta na di hitaan boha asa unang holan na di lapo angka amanta. Ok.

  22. Adong do hape na serius mmananggapi turi-turian on ate..he…he…

    On ma ala ni SALEG, gabe muba satongkin jolma i, gabe tompu (songon na) burju, asa anggiat dapot soara di parSALEG on i.

    *** Asa laos taboto le… marguna do i hehehehehe…

  23. G. Meha berkata:

    Songon na umbisuk do hubereng si Hendry sian Saleg i. Hehehe.

    *** Memang, nadiajaridoau daba mambahen songon i. Erget huhilala dang modomau sabornginmambayangkon kejadian sugarimasa songoni 😀

  24. jangankan uda…au pe uda dang boi dungo alani i,..ai dinipikku nunga gabe caleg au, ima sian Partai Busisaon Busisaan ( Parbusbus) ai dinipikki au ma saleg nomor 10 sian sappulu saleg.

    Hape tu au suara sude puang,….tobbus namangaratto i huhilala….alani na soro-soropon on bah….

    Pingin mendapatkan ide-ide kampanye??
    ketik REG spasi SALEG
    kirim ke 9090
    SMS balasan yang anda dapat langsung dari ketua umum Partai Parbusbus

    NB. Bang meha…molo boi mulak ma jo ho tu huta bah….asa mambukka rumah sakit jiwa jo hita di humbang, ai nunga adong gedungna,..holan na rittikna nama si luluan mu
    horas ma

  25. G. Meha berkata:

    @appara niba Hendry

    Hahaha, ho nian appara, sai na ambal ambal do sipata nonangmu. Pos roham appara, dang porlu dope rumasakkit si songon i di Humbang Hasundudutan.
    Mulak nama nian husangkapi appara, asa huuluhon jolo jolma na torop i martani dohot denggan, asa tarida jo saotik bahwa tujuan ni pemekaran i sasintongna laho tu hadengganon ni perngoluon ni jolma bolak do. Hehehe.

  26. Bonar Siahaan berkata:

    @ Lae Hendry

    Kwakakakak….. atik na hamu do mandok asa dipauli dongan kursi roda… alana godang ma mangalului i dibagasan taon 2009 on…. saleg do huroa nanidokna…bah…bah…mauf…mauf

    @ G. Meha

    Molo mulak hamu tu Humbahas sotung dohot hamu saleg, ai ingkon godang do suda hefe palleanon tu jolma i, dang mararti molo gagasan do….molo dang i ingkon luluan ma naolo siar-siaron asa mabiar natorop.
    Alai molo laho manguluhon natorop i do mansai satolop ma ahu, laos dohot ma ahu mendaftar gabe anggota sitiop hansing-hansing ni…. sakkul…eh ai sakkul do tahe pangkeon? ah gaithu do i asa songon nadohot do iba maniru-niru lae Hendry on…hahaha

  27. Jones Napitupulu berkata:

    Ai molo di jaha amatta Ninggor pardede on, nunga leleng hita dang jumpa ate, ai boi do dapot alamat email asa hujapri jo, molo dang sala, dongan parbalige do kan ?

  28. Adonia Sihotang berkata:

    Boii dora amanta parhobas dison mambaen sada survey haduan taringot tu calek nagagal :
    a. Piga namate jantungon
    b. Piga namelarikan diri ala sotargarar na be utangna
    c. Piga nagabe gila songon calon bupati na di jawa timu i
    d. Piga nagabe sursar parumatanggaonna

    Porlu doi kan? Asa tabahas muse di bobang on

  29. Sianturi Par Laguboti berkata:

    Sai adong do Cerita ni Laetta on, alai boi mai gabe sada parsiajaran tu hita ate do0hot tu SALEG on asa lamu kreatif naloho pangido dukungan.

  30. JosH_Stack berkata:

    Dung dilotak jora ma inna ama ni mardongan ate amang boru.
    hahaha . . .
    Tar songon hata ni poda i :
    Gondang Toba Gondang Batak,
    Sotung Mallapak . . .

  31. rumanap berkata:

    Horas.. ai godang do hape sigeok-geok dison, ai salelengon sai si Budi Handuk nitonton di talipisi asa boi iba margahargak, dang binoto na rade dison parsaoran namambahen mago arsak huhut padimun-dimun budaya habatahonta. Saulak nai Horas.. lam marsitandaan pe hita muse tujoloan ni ari on.
    Mauliate

  32. latteung berkata:

    Ai lae do…sai olo manonton ‘namasa-masai’…….tu son ma hamu ro,…ise na dohot ro ma tu son

  33. Pontaseddy berkata:

    Koq sepi Amangboru…………
    Berita Kampanye juga nggak apa2 …
    … soalnya Pemilu tinggal beberapa hari lagi….

    *** Yang sepi, yang berkomentar, pengnjung tetap banyak. Mungkin asik melihat baleho para caleg. 😀 Berita kampanye kan sudah dibuat ang lain. Horas tulang.

  34. parto pangaribuan berkata:

    Wow …. wacana yang cukup menarik untuk
    didiskusikan………………..

    MAAF….SEDIKIT KILAS BALIK SEJARAH….
    Perjalanan panjang proses demokratisasi di negeri ini memang mengalami percepatan yang cukup dahsyat!…Pasca tumbangnya REZIM ORDE BARU pada tahun 1998 bulan MEI “hawa” demokrasi di negeri ini terasa sejuk seperti menghirup udara segar ketika baru melepaskan diri dari “kurungan” selama 32 tahun. Segala macam KEBIJAKAN, KEPRES, UU, RUU, SK yang merupakan produk ORDE BARU nyaris terkubur akibat “embrio” revolusi yang muncul pada saat itu, sayang sekali gelombang deras reformasi yang dibangun oleh masyarakat dan mahasiswa tidak berhasil membentuk “pukulan” yang REVOLUSIONER…….Euforia masyarakat dan mahasiswa sontak berpesta pora setelah “berhasil” menumbangkan sang rezim tersebut. Gedung DPR MPR yang pada saat itu telah diduduki masyarakat dan mahasiswa menjadi “porak poranda” dengan luapan kegembiraan yang tidak terbendung. Air mata, jeritan, teriakan, sumpah serapah, makian bahkan do’a dan sujud juga dipanjatkan oleh masyarakat yang telah “membanjiri” gedung RAKYAT tersebut.

    Saat itu saya hanya tertunduk lelah…….kondisi fisik saya menurun namun masih menyisakan ‘semangat’ setelah 3 bulan lebih hampir setiap hari turun ke jalan bersama2 rakyat. Terus ber”teriak2″ penuntut sebuah perubahan.Sementara di istana, sebagai kawasan ring satu susananya mencekam dan terasa menegangkan. Gedung2 bekas KERUSUHAN 14-15 MEI masih menyisakan puing-puing yang
    berantakan akibat penjarahan, pembakaran, perampokan, bahkan pemerkosaan terhadap etnis china yang dilakukan oleh masyarakat miskin kota di kawasan2 pusat bisnis. Akumulasi “kemarahan” tidak terbendung meledak saat itu setelah 32 tahun tertanam. JAKARTA praktis “lumpuh”. Indonesia “berubah”, bangsa ini meniti jalan dengan membuka lembaran baru, bab baru, buku baru, namun………MASIH PENERBIT YANG LAMA….!!!!

    Sedikit kilas balik sejarah di atas menjadi analaisa saya mengapa sampai saat ini wabah “penyakit” ORBA masih sulit dihilangkan, hipotesa KKN (KORUPSI, KOLUSI DAN NEPOTISME) ternyata menjadi “akut”, mengakar, melekat, mendarah daging bahkan “regeneratif” sampai sekarang.

    MENGAPA DEMIKIAN…..?
    Karena SOEHARTO sang DIKTATOR tidak kalah licik pada saat itu, dia mengambil keputusan untuk mengundurkan diri ketika gelombang deras tuntutan masyarakat telah memuncak. Dia hanya “menyerahkan” jabatanya ke “anak asuh”-nya……

    Artinya dia tidak tumbang atau dilengserkan oleh masyarakat…..Keputusan itu dia lakukan untuk meredam amukan massa yang tak terelakkan lagi, karena ‘kaca mata’ internasional telah melihat.

    KESIMPULANYA….!!
    ORDE BARU hanya menerbitkan BUKU EDISI TERBARU, isinya yang “tersirat” masih sama……karena PENERBITNYA MASIH YANG LAMA. ORDE REFORMASI yang saat ini diklaim sebagai masa/fase/atau sejarah titik balik yang baru ternyata masih memiliki pola yang sama yaitu pola lama. “BRAIN WASH” atau pencucian otak yang dilakukan oleh SOEHARTO pada jaman ORDE BARU selama 32 tahun berhasil “membentuk” generasi yang bermental KORUP.

    BENANG MERAH…
    Hubungan kondisi obyektif di atas dengan kenyataan yang terjadi sekarang ialah……

    1. Tuntutan Pemekaran atau OTONOMI DAERAH teralu dini terwujud/diwujudkan….karena kondisi ini hanyalah skenario pembentukan “RAJA2″/”KOLONI2 KECIL” yang baru dengan mental yang sama. “Kursi2” baru terbentuk, “jabatan2” baru harus mengisi kursi2 kosong tersebut. Kepala, wakil, penasehat, ajudan, kepala dinas, kepala suku dinas, suku dinas, biro, dll. Semuanya harus “diisi”. SIAPA YANG MENGISI….????

    2. Pertanyaan di akhir poin no 1 memang kompleks untuk di jawab…..namun salah satu jawaban yang sedikit mengarah adalah……Kader-kader baru “kagetan”pun harus direkrut ratusan bahkan ribuan orang dari segalan macam latar belakangnya. Dari mulai Kepala daerah Tingkat I, Tingkat II sampai honorer tukang sapu2 kantor pun harus mengisi bangku kosong yang baru. Muncullah pejabat “prematur” dengan mental lama (mental ORBA-red).

    3.Sektor legislatif,… DPRD dengan sekian banyak jumlah kursinya harus diisi melalui mekanisme PEMILU dengan produk yang dirumuskan oleh KPU dan KPUD. Namun para balon atau calon legislatif atau lebih dikenal dengan istilah CALEG bukan muncul atau lahir dari sebuah keinginan yang murni untuk mewakili rakyat di kursi legislatif tetapi lahir hanya dari sebuah perdebatan “polistis” semata karena ia memang kader partai, atau sang CALEG hanya lahir karena merupakan orang terkenal atau “beken” sehingga direkrut partai tertentu untuk mendongkrak perolehan suara, atau sang CALEG “berani” mendaftarkan diri karena dia banyak uang atau kaya. Atau bisa jadi sang CALEG……..memang lahir dari kelompok yang mengklaim dirinya “kritis” (biasanya mantan aktivis, atau sok aktivis, wartawan, organisator, LSM, dll). Dan yang lebih parah ada CALEG yang memang dicalonkan karena hanya sekedar mengisi daftar nama
    yang kosong yang ternyata otaknya juga “kosong” (kaderisasi kagetan).

    Dan akhirnya Saya hanya bisa menulis kata akhir………KITA MASIH HARUS BELAJAR BANYAK TENTANG PROSES DEMOKRATISASI YANG LEBIH KOMPLEKS MENGINGAT NEGERI INI MERUPAKAN NEGERI MULTI ETNIK DENGAN SEGALA MACAM KERAGAMANNYA.

  35. Pontaseddy berkata:

    Segala upaya yg dilakukan saat ini untuk mensejahterakan masyarakat dengan Pemekaran Wilayah, Otonomi Daerah yg diperluas dll menurut kami sah2 saja…..
    Apapun yang terjadi saat ini dinegeri yg kita cintai kata kuncinya adalah satu :
    TEGAKKAN SUPREMASI HUKUM.
    haqul yakin….apabila hukum ditegakkan dinegeri ini, tdk akan ada yg berani KKN……karena semua agama melarang Mencuri, Membunuh dll…dll…

  36. Michael Silalahi berkata:

    Saya sangat simpati dengan isi tulisan Sdr. Kalau didiskusikan boleh-boleh saja tapi munking ” Proaktif Demokratisasi ” yang nyata juga baik. Saya jadi Caleg no. 31 Partai Demokrat, dgn no. urut : 7. Drs. MARANGIN SILALAHI, DAPIL DKI 2, yaitu: Jakarta Pusat, Selatan dan Luar Negeri.Tidak sesuai dgn apa yg Sdr. sampaikan utk saya dan seorang teman baik Halak Batak, mungkin juga masih banyak yg lainnya. Pemilu Legislatif 09/04/09 sudah menjelang. Negara Amerika Serikat menjunjung tinggi Demokrasi, Presidennya yg sekarang kita tahu siapa. Saya di AS, 4 tahun, berdomisili di Australia sejak 1988 .Dimana ada kemauan di situ ada jalan.Ternyata orang berkulit berwarna bisa jadi Presiden negara Adi Kuasa.Orang Batak sangat potensial dalam banyak hal, mungkin kita perlu hidup baru sebagai mana di dalam ajaran alkitab, kita harus bersatu untuk teguh mencapai cita-cita bersama. Tgl, 06/03/09 di TOBADREAM, jL. Dr. Saharjo 90, Jkt Selatan 12960.Artinya di sana kita bisa bersatu menik mati budaya Halak Hita apalagi dinegara yg kita cintai ini untuk mewujutkan ” Masyarakat Adil Dan Makmur berdasarkan Konstitusi Negara Indonesia. Kita perlu berbuat yg proaktif positif. Mauliate , jala Horas.

  37. tanobatak berkata:

    @ Adonia Sihotang

    Huuji do mandeteksi usul ni ampara on :
    Piga namate jantungon
    b. Piga namelarikan diri ala sotargarar na be utangna
    c. Piga nagabe gila songon calon bupati na di jawa timu i
    d. Piga nagabe sursar parumatanggaonna

    Husungkum ma dokter jiwa taringot tu kemungkinan ni on, alusna mandok
    “Molo halak batak termasuk do na kuat mental” Molo talu dang diakkui. Molo rugi gasaon satokkin. Molo marutang lam dipadenggan sitanna sai hira namora.
    Molo ro partunggu utang, laos disonggahi parunggu i.

    hape martahi do hami dohot kedantan Hendry Lumbangaol dohot G. Meha mambahen klinik kejiwaan. Hahahaha… sai unang ma dohot hita korban ate…

  38. baginda na70 berkata:

    hors….santabi akka par ilmu tinggi….
    Boado kabar lae monang tahe di bariba? maaf ya lae aku masuk lagi ke blog tercinta ini. Rindu aku dengan lae Monang bah, lae meha, Si lidya etc la…
    lae monang smga indah mengapai MIMPI, berjuang terus untuk konstituen dan orang – orang yang terpinggirkan!!

    *** bah…bah…bah… ai mangolu dope hape ale, ai leleng dang hea mandulo luatta on. Horas lae bah, sai sehat ma torus, unang palalaphu mandiori pangomoan i da… taruhon hamu deba tuson… 😀

  39. G. Meha berkata:

    Horas lae Baginda, nunga tung masihol iba tu lae, na sisan dia do lae saleleng on? Nunga godang ra niomo muna, asa mangallangi ma jo hita. Hehehe.

  40. Pontaseddy berkata:

    Perdebatan dohot caleg halak hita di luat na so olo mangalehon izin pajongjonghon parmingguan.
    CAHAKITA (Caleg halak kita) ; Ai hubege ndang boi hamu mandapot izin mambahen parmingguan.
    PEMIHAKITA (Pemilih halak kita) : Ido Amang, ai ise do huroha hamu, jala sian dia diboto hamu na so mandapot izin hami.
    CAHAKITA : Ai na hubege do kabar burung sian tetangga muna, ido apala umbahen na hupatangkas tu hamu,
    PEMIHAKITA : Molo dung diboto hamu Amang, angkup ni i aha ma naeng sihataan,
    CAHAKITA : Ba ido amang harorongku mandapothon hamu, ia ahu caleg sian partai *&$%&, ba pangidoangku tgl 9 april na naeng ro on, contreng hamu ma ahu, molo tarpillit ahu haduan, asa huparjuangkon izin ni parmingguon mu na.
    PEMIHAKITA : Ai molo holan sahalak hamu do nanaeng mamparjuangkon izin i, ndang mungkin i amang, sedangkan hami ruas 500 KK (+/- 2.500 Jiwa) nunga mamparjuangkon sejak 20 taon na salpu ndang marna dilehon izin mambahen parmingguan.
    CAHAKITA : jadi dia do si pilliton mu haduan?
    PEMIHAKITA : Molo adong Kontrak Politik na olo nasida mencantumkan olo mangalehon izin mambahen parmingguan, caleg manang partai berbasis silom sekalipun, ido sipilliton nami…
    CAHAKITA : #%%^%*&?????

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s