Horas, Li Cheng Qing

Monang Naipospos

Nunga leleng si Horas maringanan di Pulo Bintan. Disi do ulaonna mandiori ngolu, jala tung sonang do rohana di ulaonna i jala tungkun mangulahon. Joma naburju do dohonon ibana, serep pangalahona, rosu diparsaoran. Diparsaorhon do saluhut nasa jolma sian saluhut bangso na adong donganna sada ulaon.

Sian angka halak bangso na asing na adong disi, gumodang mai halak Cina sian Singapur, Malaysia, dohot sian Cina. Halak India pe adong do ima songon si Sukumaran. Siian Pilippina pe adong do dohot halak sian Eropa.

Dirajumi rohana do ingkon radotanna ragam ni parhataan asa boi denggan marsaor. Ala ni ikkon do adong sada hata na sude manjalo gabe hata masitariparan, ima marhata Inggris. Alai hape, dang sude jolma na disi malo marhata inggris. Dang holan dongan sahuta ni si Horas na sian huta, pangula na asing (ekspatriate) sian luat na asing pe godang do na so malo marhata inggris.

Na di ari Senin na salpu, jumpang ma Horas dohot si Li Cheng Qing uju mulak sian hutana Cina daratan. Somal do si Li Cheng Qing margait tu si Horas. Nian, godangan do dang diantusi si Horas pandohanna, suang songon i nang pandohan ni si Horas sai hira na hurang do diantusi si Li Cheng Qing.

Hinait jabijabi, tinogu tu alaman. Tabo namangkatai masialusalusan.

“Hi Li, long time not see you? Where have you been?”, ninna si Horas manungkun si Li Cheng Qing tingki jumpang nasida di antaran ni kantor nasida i.

Raut sinalenggam, mangarambas jabijabi. Molo ro hata nadenggan, sauran do nauli. Molo sambar panangian, denggan do mangulahi.

“Oh yah…what?”, ninna si Li Cheng Qing mulak manungkun.

“I meant… I…. did…. not…. see…. you…. for…. these… couple…. of…. days. Where…. did…. you… go..o?”, nina si Horas patangkashon nanget-nanget.

“Oh yahhh. I’m here. You see….?”, ninna si Li Cheng Qing mangalusi.

Tinaon barakbak, dapotsa papaluan. Di angka na hurang tangkas, unang masipailaan. “Eh, mataut husukkon ma ho nangkin…” ninna si Horas dibagas rohana. Alai i tong do dibaen mengkel suping ibana tu si Li Cheng Qing.

* * *

Nasogot, pajumpang ma muse nasida di inganan na somal andos lao masuk tu kantor nasida i. Nungnga paula so dibereng si Horas nian ibana. Alai na bakko panise do si Li Cheng Qing pintor jumolo do ibana mandapothon si Horas jala pintor dihaol abarana, huhut mardalan tu balatuk lao nangkok tu pantar paduahon kantor masida i.

“Hi Horas, go’ mornen….”.

“Hi Li. Very good morning to you”, nina si Horas mangalusi jempek. Unang gabe ganjang anon, loja muse iba, ninna rohana.

“You gud todei ha…?”.

“Yes, I’m very well, thank you. And you?”.

“Yes….”, ninna si Li Cheng Qing mangalusi, alai dang dialusi sungkun-sungkun ni si Horas taringot tu baritana.

Urat ni Gandanggundung, gundung tu pamaoran. Patampak nasida marunungunung alai pulikpulik pandohan. Marbariba ma roha ni si Horas songon panganon dongdong. “Bah nunga mulai manombo muse baeon”, ninna rohana. Ditahi ma naeng maninggalhon si Li Cheng Qing.

“Li, excuse me, I’m in a hurry. I’ll see you later during lunch break. Ok…?”, ninna si Horas mangalului sidalian asa unang lam ganjang nonang nasida.

“Hah? Yu wan to it lanch nou…?”.

“Pandok ma lomom Li….i”, ninna si Horas ma mangalusi marhata batak huhut marlojong maninggalhon si Li Cheng Qing na mengkel suping i….

AddThis Social Bookmark Button

ide cerita : Petrus Marulak Sitohang

Iklan

17 thoughts on “Horas, Li Cheng Qing

  1. G. Meha berkata:

    Disise si Li Cheng ma muse si Horas tingki pajumpang nasida di balatuk i:

    Want to where you, Horas? (hendak kemana kau Horas),

    Ah, yor ingglis neper better from befor! (ah, inggilismu gak pernah lebih baik dari yang dulu), ninna si Horas mangalusi. Hehehe.

  2. tanobatak berkata:

    @ G. MEha

    Asal ma unang didok si Leseng.. ehhh Le Cheng; holan na naeng mangan do halak batak on, minum tuak. πŸ˜€

  3. Bah… gabe taringot Iba ala hea di China… di Xiamen…
    adong sada sipanganon… apala tabo do nian ni allang… ditusuk tusuk di tusuk gigi… ala holan sibontar mata do dongan.,.. gabe dang binoto aha do makkanan on… hape dung di sukkuni angka dongan Bule i… na Jagal Biang do hape… langsung mangamuk nasida… jala marbete bete…. au pe purak purak marungut ungut… unang sogo rohani dongan i…
    Hape anggo dibagasan roha… Bah… sodap nai makkanan enak on… sayang ndang adong Tuak…. tabo nai nian mambahen tambul…. he.. he.. he…
    Horas….

  4. latteung berkata:

    nga songon na huboto on i…..ai molo mangakkupi korea pe tong do songonon,…ikkon boi do gabungon bahasa korea, inggris, bahasa roh, bahasa bibir, bahasa kasih, bahasa pahan-pahanan, bahasa tumbuhtumbuhan alias bahasa flora dan fauna…..dungi tabo ma marnonang…..

  5. hendry berkata:

    Baen jolo contoh ni bahasa pahan-pahanan Hen… asa diboto angka dongan.. πŸ˜€

    ai kan olo do ro korea na banggam hian mar bahasa inggris tu indonesia on, ai holan bahasa hankuk do diboto,….hubaen ma sada sontoh…..je lao mangarahon mangan ma au, hu boan ma tu LAPO ni halak hita, nga loja au patorangkon mandokkon PORK nikku,..dang diantusi tong…

    hu dok ma muse PIG nikku…ai nabinoto dang siallangon PIG alai asa hatop……tong dakkian diantusi eah…..

    dang talu akkal au,….

    tor hu loccotton ma igukki tu gijjang pasuman igung ni babi…nga gabe sai hira babi iba…..

    tor didokkon ibana ma,…..oooo PORKKE..PORRKKE….
    Maup ma ho nikku…jala mekkel parlapo i…

  6. Daga….??? Nungnga sahat hape barita ni si Li tu Bonapasogit on….

    Alai songoni pe marbaratan hata ni si Horas dohot si Li, gabe penasaran do si Li on marnida bona pasogit ni si Horas di Samosir ala sai jotjot do disaritahon si Horas hauliaan ni samosir i…

    Ninna si Li ma di sada tikki tu si Horas.

    “Horas, yu sai’ before go to Samosir we pass by Belgia ha??? So samosir is near Belgia hah….???

    **** hahaha… dok lae ma nian lewatan do dohot port sea… πŸ˜€

  7. Horas says:
    I hate you Li Cheng…!
    Aku benci kamu Li Cheng
    I want to cut conection with you
    Saya ingin putuskan hubungan dengan kamu
    You always request apology back back river
    Kamu selalu meminta maaf berulang-ulang kali
    Good… river this…., i sorry you, but other river i will kill you
    Baiklah… kali ini… , aku memaafkan kamu, tapi lain kali akan kubunuh kamu
    I already think this with cook cook
    Saya sudah pikirkan ini dengan masak masak
    Safe leave Li Cheng…
    Selamat tinggal Li Cheng….
    πŸ˜€ πŸ˜€ πŸ˜€

  8. Land Situmorang berkata:

    Si Li Cheng on do ra nahea ro hu Parapat i,disukkun si Li Cheng ma alamat ni sada Hotel ima I and You,… Where I and You??….. I here and you that

  9. rumanap berkata:

    Pajumpang do au dohot si Li Cheng on di Batam, hupangido ma asa ditulis ibana goarhu pakke tulisan nasida.. alai dung husuru dijaha na mangantusi bah.. gabe didok goarhu Lu ma hap puang.

  10. Ahahaha… memang tahe bah…!!
    gabe huingot pardalanku naujui di Spanyol. Pajumpang au dohot dongan karejo hian uju di Indonesia, Jadi alani sihol na mansai balga, jala las roha pajumpang, diajak ma au mamereng matador i (jolma diadu tu banteng)alai ringkot ni cerita ond ang disi, dukkon do sae hami na manonton Matador on, diboan ma au mangan tu restoran na khas disi, jadi dipesan ma sipanganon songon menu andalan ni restoran i. Jadi hupangan hami ma, mansai tabo do atong, na gabe lupa do au goarni menu i.
    Alai andorang so mulak au muse tu Indonesia, hu ulakhon muse mangan disi, alai holan au nama dohot pardijabu. nang boha tahe on nama ra allangon nami on nina rohakku.
    Jadi dukkon sahat hami tu restoran i, hupesan ma menu on muse.
    Dang sadia leleng ro ma pelayan ni restoran on, dipataru ma sada pinggan songon inganan ni menu on, jadi longang ma au dohot pardijabu, ai apala met met hian. hape uju rap mangan hami dohot dongan hi, massai balga do. Jadi alani sifat anak ni raja na sai tong terpatri di otak, mabiar au alana dibereng au dang ras ni Spanyol, gabe maon au di oto2 i nina rohakku.
    Jadi hudapothon ma pelayan on jala husukkun, ai boasa met met hian menu on sonari ? hape na parjolo i apala balga hian do ??” nikku.
    ba dialusi ma au attong, maaf tuan, kebetulan hari ini yg mati adalah manusianya, minggu kemaren itu yg mati adalah Bantengnya nina …
    Ba hape na Kelamin ni na talu di Arena i do hape menu na i πŸ™‚

    *** hahahahaha Ai Toho do i Fernando? Ai na dikarang ho do i poang. Ai pintor dibindahon do huroa matador i ate πŸ˜€

  11. goklas sinurat berkata:

    ima tahe ate molo dang di bota bahasa inggris on?
    sarupa ma cerita on bolo tikki karejo au, ai akka kontaktor godang do halak bule…
    disada tikki pas ma dang masuk sekretaris attong hapeng pas au hundul di meja sekretaris holan hubereng ro bule i pittor marikkati ma au so mago isukkun ahu inna rohakku….

  12. rosa berkata:

    bikin aku tertawa terpingkal pingkal sampai keluar air mata..mauliate pada semuanya alana boi mambaen ahu berbahagia…

  13. B.Parningotan berkata:

    dina sada hali dina mardalani Li Ceng Qing, dungkon Stasion Manggarai dibereng ma kareta Api runsur sian jakarta Kota . BAh Fuang ganjang nai kerataapi on jala apala hatop nai mangarinsir . beha ma hatopna on molo marlojong jonjong….. ninna ma

  14. Ikkon manat-manat ma ganup halak Batak maradophon Li Cheng dohot akka bangso di Li Cheng.Alana malo do ulok naga i mangotootoi bangso Garuda.Hape ulok nagai marmusu /maralo do i dohot Garuda.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s