SURAT TERAKHIR

John Ferry Sihotang

Telah kuminum segala hikmat dunia, dari piala yang sudah diberkahi. Membaca kitab-kitab kebijaksanaan terhebat, mereguk semua anggur paling nikmat, mengidungkan nyanyian dan mensyairkan sajak-sajak paling indah, hingga menjalani sudut kota-kota paling megah yang kupuja bertahun-tahun. Sampai aku lupa asalu-sulku. Lupa pulang merindu kampung halaman, bumi moyangku yang sekarang dikhianati anak-cucunya sendiri. Disayat anak-cucunya sendiri dengan sembilu.

Lewat surat ini, kusematkan salam rindu tertulus pada bumi luhung kita, kawan. Inilah suratku yang terakhir, surat yang kutulis dengan getir air mata terkudus seumur hidupku. Surat janji setiaku padanya. Janji yang telah kupahat di epitaf gunung batu hatiku. Surat pengakuan dan penyesalanku yang terakhir: Takkan kukhianati ibu pertiwi yang menyusuiku.

Bila sampai kuberkhianat, camkanlah ini!

Bawalah padaku semua tangan tergarang
bersenjata tombak dan parang tertajam
biar mereka menerkamku dengan geram
biar mereka mengupas kulitku dengan suram
merajam tubuhku sampai meraung-raung meradang
pecahkan di atas batu karang hingga mengerang
terkapar bersimbah darah bagai air bah terguncang.

Ingatkan anak istri dan saudaraku
"jangan sampai ada imam mengirim doa pada jasadku
jangan sampai menggali kubur untukku
jangan sampai menyiapkan prasasti nisanku
apalagi menggoreskan nama dan margaku
pengkhianat harus dipasung jangkar di palung terdalam."

Bila mereka ingin membawaku ke bumi damai, berteriaklah dengan lantang!
"itu takkan pernah terjadi
itu penghinaan terbesar dalam sejarah leluhur kita
itu kesalahan yang lebih besar dari dosa
itu penistaan paling nista pada sucinya bumi Tuhan."

Buang saja aku di lembah sunyi sekam terdalam!
menjadi santapan semua binatang jalang
biarkan mereka meremuk tulang dalam dagingku
biarkan mereka menghisap habis seluruh darahku
biarkan mereka mencabikku dengan cakar-cakar terbuas
biarkan mereka membakarku dengan bara api terpana
sdan biarkan mereka memberangus seluruh abuku.

Biarlah semua hantu bersorak kegirangan memangsa jiwaku.
Biarlah semua iblis datang bergemuruh menjerang rohku.
Biarlah tak ada lagi yang tersisa
sekalipun noktah noda
lebih baik mati sia-sia.

 

Alih bahasa batak

versi : Hotpangidoan Panjaitan

 

SURAT TONGOSAN NAPARPUDI

Ale dongan,
Nungga be hu inum nasabisuk portibi tian sawan na ndung dipasu-pasu
Manjaha pustaha-pustaha na habisuhon morsahala
Mandorguk saluhut situak ni tano jau na tumabo
Mardodenghon ende-ende dohot hata na tutur na mansai uli
Huadang jala hudalani tu lompit-lompit ni luat na bolon na hu porsinta marbilang-bilang taon
Sahat tu na lalap ahu gabe dang huingot tano haroroanku,
Lalap diporlalapan gabe ndang masihol ahu tu sambulonku na ndung jinehehoni angka piga-piga pinomparna
Digotos anak ro disisumbaonna dohot sambilu

Marhite surat on, hu ondolhon !
Tabe mardongan sihol sian saganup roha tu tano nauli, sambulontai, ale dongan
On ma surat tongosanhu na parpudi
Surat na hugurethon mardongan ngotgot ni ilu-ilu na sumalin sian sandok ngolungku
Surat tanda ni holongku naso muba naso mose tu sambulonta
Padan na hugorga dibatu bolon ni ate-atenghu
Surat panopotion dohot panolsolionhu na parpudi
Nasojadi hu jehehon sambulonta na parorot ahu

Alai…
Molo soluk marjehe ahu, tiop ma hata on!

Boan ma tu ahu saluhut pargoloman na jumongir
Marhujur dohot podan na rumantos
Asa disaraksang ahu marselu-selu
Asa disisihi ahu marbugang-bugang
Mangaronjam pamatangku asa manampiar bobar
Manoparhon ahu marsangkalan di batu laut asa morong-orong

Pasingot ma ianakhonku, ripengku dohot haha, anggi dohot pinaribothu
Naso jadi ro sintua ni malim
martonggo maradophon bangkengku
Nasojadi halion udeanku
Nasojadi digorga batu manang martambah ahu
Manang gurethon mu goar dohot margangku
Molo parjehe ingkon do beanghonon di rura ni tao silumalan na umbagas

Molo naeng diboan ahu tu sambulonta na dame i
Ogapi gomos jala surahi hamu ma sagogo ni gogom
Dokhon ! Naso masa be sisongoni
Na paurakhon jujur ni sambulonta doi
Ai gabe hasasala na umbolon ma i tian dosa pangalasion.
Ila na ummila mai tu hamalimon ni portibi ni debata mulajadi

Jala bolonghon ma bangkenghu tu lombang rurus na gunong
Asa disaroso saluhut nagogo diharangan
Pasombu ma diropukhon holi-saring-saringhu
Pasombu diromus sobuonku

Asa sude begu sampu marhujingjang marsiadu mangaroro tondingku
Loas ma sude sibolis marhurasras manggorgori tondingku
Unang adong be na tading tian ahu
Manang holan saridondonhu pe
Loas ma mate bursik ahu

 

Versi : Monang Naipospos

 

SURAT PARPUDI

Ale dongan,
Nunga huinum nasa hinatabo ni portibi, sian seak nauli natarpasupasu.
Manjaha luhut pustaha hapantason na singal, mandorguk saluhut tuak natumabo. Mandidenghon ragam ni ende dohot hata anian naummuli, ro di mangadangi suhi ni luat naribur, nabonggal sinolo ni roha martaon-taon.
Pola lupa au sambulongku. Lupa tano hatubuan, tano ni daompung na nijehean ni siminikna. Nirengrengan ni anak dohot pahompuna dohot sumbia.

Marhite surat on, hupasahat tabe sihol na tulus tu tanonta namartua ale dongan. On ma surathu naparpudi, na hugurithon mardongan ilu na sun daulat saleleng ngolungku. Surat parpadanan tu ibana. Surat manghatundukhon dohot panolsolionhu na parpudi : Tung na so jadi hujehehon sambulo napatarushon au.

Molo mipo au gabe parjehe, ingot ma!

Boan ma tu au tangan ni nabegu
Sitiop hujur dohot podang natumajom
Asa di disoro nasida au dohot rimasna
Asa diliklihi au mansai bagas
Dironjam pamatanghu ro di mangangguk-angguk tarhinos
Silgang diatas batu mamak ro di ma morong-orong
Sarge margulu mudar songon aek na sumar tarlundak.

Paingot anak dohot pardihutangku ro di haha anggi pinaribothu
Unang pola ro sintua ni malim manonggohon bangkengku.
Unang dihurak tano haroburanhu.
Unang diparade latap batu di udeanhu.
Lumobi manggurithon goar dohot marganghu.
Parjehe ingkon do digomal beangan di lombang maralimos

Ia tung disangkap mamboan au tu sambulo nadame i, surahi mamansai gogo.
Tung na so jadi do i
Pangaleaion nadokdok do i di jujur ni sambulonta.
Hasalaan nadumokdok do i sian dosa.
Pangaleaion na sun ramun do i tu habadiaon ni tano ni Mulajadi.

Bolonghon ma au tu lombang halongonan lapalapa naumbagas
Sisoroon ni saluhut dorbia jalang
Loas ma disopsop nasa mudarhu
Loas ma disarbingi au dohot gasa ni pambobakna
Loas ma ditutung au tu api panoksohi
Jala loas ma diparsurage orbuk ni bangkengku.

Asa sude sombaon marsurak-surak marlas roha manarea sumangothu
Asa sude sibolis ro margurasa manggumpar tondingku
Asa unang adong natading
Agia pe laok narotak
Tumagon ma mate seang sialang-alang

Iklan

8 thoughts on “SURAT TERAKHIR

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s